Општи препораки за доенчиња со прекумерна тежина и дебели доенчиња

Детето може да добие  прекумерна тежина како резултат на прејадување и / или недоволна физичка активност. Промените во животната средина и начинот на грижа за детето, како и можните генетски нарушувања, можат да придонесат за тоа. Вишокот на телесна тежина може да доведе до бројни здравствени проблеми во детството, но исто така и подоцна во животот: деформации на коските и зглобовите, болести на срцето и крвните садови, дијабетес, ментални проблеми: депресија и ниска самодоверба.

Детето може да добие прекумерна тежина како резултат на прејадување и / или недоволна физичка активност. Промените во животната средина и начинот на грижа за детето, како и можните генетски нарушувања, можат да придонесат за тоа. Вишокот на телесна тежина може да доведе до бројни здравствени проблеми во детството, но исто така и подоцна во животот: деформации на коските и зглобовите, болести на срцето и крвните садови, дијабетес, ментални проблеми: депресија и ниска самодоверба.

Ако видите дека вашето дете почнало да добива на тежина, однесете го на лекар / педијатар, за подетален преглед. Постојат некои мерки што можете сами да ги преземете.

Препораки за доенчиња
Најдобра храна за новороденче е мајчиното млеко, кое ги содржи сите потребни хранливи материи во избалансиран однос. Затоа, се препорачува како ексклузивна храна во првите 6 месеци и понатаму со воведување на дополнителна исхрана

Препораки за деца постари од 6 месеци
Осигурете се дека вашето дете, ако е постаро од 6 месеци, има други оброци во количина и честота што е во согласност со постоечките препораки за оптимална исхрана. Ако не е така, направете ги потребните прилагодувања. Следете ја препораката да не ја засладувате храната што му ја давате на детето и ограничете ја дневната количина на природен исцеден сок што ќе му ја дадете на детето постаро од 6 месеци на 90 ml, максимум 120 ml. Не додавајте сол на храната што му ја давате на вашето дете. 

Обрнете внимание на начинот на кој го храните вашето дете. Не принудувајте го да ја јаде целата храна што сте ја подготвиле и почитувајте го неговото чувство на ситост. Охрабрете го да јаде самостојно, со  прсти, затоа што тогаш тој најдобро знае кога му е доста. Поттикнете го движењето и физичката активност на вашето дете и создадете услови за најмалку 30 минути интерактивна игра, во различни позиции на подот. Овозможете му добар сон од 12 до 17 часа, во зависност од неговата возраст и потреби.

Примената на препораките за правилна исхрана и физичка активност на детето од неговата најрана возраст, ги зголемува неговите шанси за здрав и успешен живот.