Песна за мојата адреса
Потребни материјали: Име и адреса на вашето дете, испечатени со големи букви на парче хартија (засега, ова може да биде само улицата)
Што можете да направите заедно: Поттикнете го вашето дете да состави специјална песна со ваша помош. „Ова ќе биде посебна песна со ТВОЕТО име и адреса - местото каде што живееме јас и ти! Можеме да ја испееме песната заедно и подоцна да му ја испееме на тато (или на друг член на семејството) “.
Користете едноставни зборови, и пејте позната мелодија:
Јас сум Марија, јас сум Марија, јас се викам Марија!
Живеам на улицата „Рузвелтова 3“, живеам на улицата „Рузвелтова 3“.
Тоа е мојата адреса, тоа е мојата адреса!
Пејте ја песната заедно. Можете да му го покажете напишаното име и адреса на вашето дете додека пеете. Повторувајте ја песната често за време на домашните активности или кога шетате заедно. Вашето дете ќе може да ја пее самостојно по некое време.
Што учи вашето дете: Познавањето на нечие име и адреса е важно бидејќи вашето дете се подготвува за на училиште. Песните им помагаат на децата да запомнат многу работи, не само име и адреса, туку букви од азбуката и други информации. Меморирањето на песна, исто така, ги гради вештините за размислување на вашето дете, а создавањето песна заедно ја зајакнува вашата врска.
