Плагиоцефалија

Што е плагиоцефалија или рамна глава

Плагиоцефалија е нерамна или асиметрична форма на главата - “рамна глава”. Плагиоцефалија може да биде блага, умерена или тешка.

Бебињата често се раѓаат со „искривена“ глава. Ова може да биде предизвикано од положбата на главата во матката за време на бременоста, или може да се случи поради притисокот при раѓање низ родилниот канал канал.

Исто така, коските на черепот на новороденчето се меки, тенки и флексибилни. Значи плагиоцефалија понекогаш се случува кога бебињата лежат со главата во иста позиција долго време.

Плагиоцефалија генерално се смета за прашање на изглед, меѓутоа, некои бебиња со тешка плагиоцефалија може да имаат задоцнување во развојот на грубите моторни вештини како тркалање и лазење.

Соодветното медицинско име за овој тип на плагиоцефалија е деформативна плагиоцефалија. Постои уште еден вид на плагиоцефалија наречена синостотична плагиоцефалија. Тоа се случува кога коските на черепот на бебето не се затвораат правилно. Овој напис е само за деформативна плагиоцефалија.

Знаци и симптоми на плагиоцефалија

Вашето бебе може да има нерамна форма на главата, рамна глава или зарамнети делови на задниот дел од главата или од страна. Ушите на бебето може да изгледаат нерамномерно, а неговото чело поистакнато.

Кога треба да одите на лекар за плагиоцефалија?

• доколку вашето бебе има чудно обликувана глава или зарамнет дел, кое не се враќа во нормална форма за околу два месеци

• вашето бебе претпочита да ја врти главата на едната страна, или има тешкотии да ја сврти главата

• сте загрижени за формата на главата на вашето бебе.

Третман на плагиоцефалија

Често, за блага плагиоцефалија не е потребен третман. Најверојатно ќе се поправи сама од себе како вашето бебе расте.

Тоа е затоа што формата на главата на бебето природно ќе се подобри додека главата расте и се развиваат неговите груби моторни вештини. Кога бебето почнува да поминува помалку време на грб, а повеќе време на стомак или седо, ќе има помал притисок врз задниот дел од главата.

Ако бебето има потреба од лекување, вашиот матичен лекар или педијатар може да ве упати кај педијатриски физиотерапевт кој ќе развие план за лекување.

Третманот може да вклучува:

• постојано преместување на бебето, за да се избегне лежење на рамниот дел од главата кога е буден

• правење нежни вежби и протегање со бебето за да ги подобри движењата на вратот

• поттикнување на моторните вештини како тркалање, достигнување и вртење

• ставање на бебето на стомак почесто кога е будно

• носење на вашето бебе на одредени начини - вашите здравствени работници ќе ве советуваат како.

За тешка плагиоцефалија, специјалист може да препорача детето да носи специјално опремен шлем, кој го отстранува притисокот од рамното место и овозможува обликот на главата на детето да се подобри додека главата расте.

Превенција на плагиоцефалија

• Обидете се да ја менувате позицијата на главата на вашето бебе подеднакво десно и лево кога тоа спие на грб.

• Кога ја користите подлогата за менување пелени или во креветче, наизменично вртете ја главата на бебето десно и лево.

• Кога бебето е будно, ставајте го почесто на стомак.

• Стимулирајте го вашето бебе - на пример, разговарајте, пејте или тропајте - или ставете играчки во близина на бебето на страната која помалку му се допаѓа. Ова ќе го охрабри да ја сврти главата кон таа страна.

Позиционирањето на вашето бебе на грб за спиење е најбезбедната позиција за спиење. Ставањето да спие на стомак или страна го зголемува ризикот од ненадејна неочекувана смрт во детството (SUDI).