Подготвување за излегување

Потребни материјали: Не се потребни.

Што можете да правите заедно: Кога одите надвор (да играте или одите на пазар, итн.), направете понекогаш игра од процесот на подготовка. Може да кажете нешто како: „Ајде да се подготвиме да излеземе. Може ли да си ги земеш капата и топката? “ или „може ли да го облечеш џемперот и да ја отвориш вратата?“  Користете две или три различни задачи или насоки на забавен начин и создавајте чекори што детето треба да ги направи пред да направите нешто забавно заедно. Заблагодарете му се на вашето дете за се што ќе направи.

Во други периоди во текот на вашата дневна рутина, можете исто така да му помогнете на вашето дете да извршува задачи на овој начин - на пример, кога се подготвува за спиење („те молам земи ја четката за заби и пушти ја водата“.)

Што учи вашето дете:  Размислувањето на вашето дете се подобрува бидејќи тоа учи да запомни повеќе од една насока во исто време.  Исто така, вашето дете го подобрува разбирањето на зборовите и речениците, што го зајакнува развојот на говорот и писменоста.