Покажување на емоции

Потребни материјали: Не се потребни

Што можете да направите заедно: Пред да започнете со активноста, проверете дали сте го подготвиле местото на кое ќе играте со вашето малечко. Бебето можете да го поставите во удобен простор, на стол или да седи во скут кај вас. Ова можете да го направите и додека му ја менувате пелената или додека го капете.

Започнете ја играта со изразување на радост, спокојство, гордост, смеење, воодушевување, љубов, отворање на очите, устата, кревање веѓи, бакнежи, галење, гушкање,  итн. и правете звуци за вашето малечко да може да ги идентификува и да покаже наклонетост. Правете ги изразите полека, малку по малку и почекајте бебето да реагира на секој од нив.

Што учи вашето дете:  Со оваа активност, ќе го научите вашето малечко да ги препознава емоциите кај другите и да одговори на нив.