Семејни песни

Потребни материјали: Не се потребни

Што можете да направите заедно: Веројатно му пеете на вашето дете уште од бебе. Сега тоа може да ужива во учењето да пее некои од вашите омилени песни. За почеток, отпејте некоја едноставна, позната песна што вашето дете добро ја знае. Охрабрете го вашето дете да пее дел од песната со вас. Можеби песната има рефрен или едноставен стих кој се повторува. Можете исто така да престанете да го пеете тој стих и да му дозволите на вашето дете да ги пополни зборовите што недостасуваат. Може да се придружи целото семејство и да поминете прекрасно време заедно. Може да забележите дека вашето дете пее делови од овие песни самостојно, додека игра или можеби додека заспива.

Што учи вашето дете: Овој вид активност ја гради меморијата и вештините за размислување на детето. Тоа исто така може да научи и нови зборови од песните што ги пеете заедно.