Сензорна игра за бебиња

Потребни материјали: Шарени крпи, меки играчки, коцки, топки во боја, фолија, играчки кои светат. 

Што може да правите заедно:   

1. Поставете играчки со различна боја на мека подлога или ќебе. 
2. Ставете го бебето на подлогата помеѓу играчките и оставете го да се движи само помеѓу различните играчки кои му го привлекуваат вниманието. Малите бебиња можете да ги охрабрите да се тркалаат накај предметите или омилената играчка.  
3. Покажувајте накај играчките и повторувајте што се тоа, нивниот облик и боја. Доколку имате играчки што светат, покажете му на бебето и дозволете му тивко да гледа. 
4. Охрабрете го бебето да допира и држи одредени играчки. Доближете му различни материјали до рацете, за да можат да ги почувствуваат во своите раце. 
5. Концентрирајте се на звук и слушање, удирање на играчките една од друга и охрабрување на бебето да го стори истото. Обидете се да правите различни звуци, со удирање на различни играчки. Гужвајте фолија со различна големина и со различна брзина, за да произведете најразлични звуци.

Што учи вашето дете: Активностите за сензорна игра можат да започнат веднаш по раѓање на детето. Дури и во мајчината утроба бебињата се способни да слушнат и реагираат на звуци, а дури можат да ја вкусат и храната. Развојот на сетилата за време на првата година од животот е многу важен за учење, но и за формирање на врска помеѓу родителот и бебето.