Што се случи?

Потребни материјали: Ништо не е потребно. Понекогаш може да започнете разговор за фотографии од нешто што неодамна го доживеало вашето дете (на пример, роденденска забава) или предмет поврзан со неодамнешно искуство (на пример, некоја храна што сте ја донеле дома од пазар откако заедно бевте на пазар)

Што можете да направите заедно:  Секој ден, водете пријатни разговори со вашето дете.  На оваа возраст, тоа зборува многу повеќе и веројатно сака да го добие вашиот интерес за она што сака да го каже.  Во мирни периоди од денот, може да го поттикнете вашето дете да се сети и опише нешто што се случило тој ден или неодамна.  Може да го започнете разговорот со нешто како: „се сеќаваш кога бевме кај баба утрово?  Колку убаво си поминавме.  Што правевме таму?"  Слушајте го внимателно вашето дете (без телефон!).  Ако тоа каже нешто како „ручавме“, можете да го поттикнете да каже повеќе: „да, да, што јадевме?  Кое ти беше омилено јадење? “ и „Што друго направивме?  Се сеќавам дека си играше со мачката “. Ќе забележите дека приказните на вашето дете за овие видови активности почнуваат да стануваат подолги и покомплексни како одминува времето.

Што учи вашето дете: Оваа активност е одлична за развојот на речникот на вашето дете.  Како што вашето дете учи и користи повеќе зборови, тоа гради силна основа за подоцна да научи да чита.  Додека вашето дете се обидува да запомни работи што се случувале во минатото, тоа исто така го развива својот мозок. Топлите врски што вие и вашето дете ги остварувате преку овие секојдневни разговори, споделувајќи ги заедно искуствата се многу важни за вашето дете и вашите спомени.