Смирување на детето во градинка: совети за првите недели

Првите неколку недели во градинка

Градинката е сосема нова средина за вашето дете, со нови луѓе и нови рутини. Ако можете, добро е да започнете полека. Откријте дали би можеле да започнете со пократки периоди и постепено да го зголемувте времето на престој.

Исто така, важно е да бидете свесни за тоа како вашето дете се справува со промената откако ќе започне да оди во градинка. Вашето дете веројатно се наикнува добро доколку:

• генерално е среќно да оди во градинка
• ви покажува работи што ги направило или доживеало во градинка
• радосно зборува за својот ден.

Ако имате какви било грижи за тоа како вашето дете се навикнува во градинка, најдобро е да започнете со разговор со неговите воспитувачи и негуватели.

Практичната и емоционална транзиција кон градинка може да биде помалку стресна за вас и вашето дете ако почнете да се подготвувате  многу порано.

Навикнување на градинка: совети

1. Организирајте се рано
Грижата за практични работи како ручеци и облека претходната ноќ (или порано) ќе го намали стресот од напуштање на куќата наутро. Ова значи дека можете да се фокусирате на вашето дете и како се чувствува утрото за да оди во градинка.

2. Овозможете му на детето многу време за одмор дома
Градинката е многу стимулативна. Вашето дете веројатно ќе биде уморно и ќе му треба време за опоравување дома. Ова може да значи порано да оди на спиење или подолги спиење попладне. Или можеби само мирна игра во позната средина.

3. Одвојте посебно време дома за детето
Сега кога имате помалку време со вашето дете, ќе сакате да го искористите времето што го поминувате заедно.

Ако се уште го доите детето, доењето пред и после градинка може да биде добар начин за поврзување. Можеби исто така ќе можете да одвоите посебно време во вашата вечерна рутина, со песни и игри за време на бањање, или гушкање и читање приказни пред спиење. Или планирајте релаксирано семејно време заедно за време на викендите - на пример, редовна игра во паркот.

4. Најдете време да останете со вашето дете првите неколку утра
Обидете се да останете со вашето дете во градинка пет минути првите неколку дена. Може да читате книга заедно или да гледате како вашето дете прави активности. 

5. Кажете му „Догледање“
Кога е време да заминете, кажете му на вашето дете дека одите и кога ќе се вратите. Прегрнете и бакнете го вашето дете, кажете му збогум на воспитувачот и заминете.

6. Изградете врска со воспитувачите и негувателите 
Вашето дете е поверојатно да се чувствува сигурно во новиот амбиент во градинка, ако види дека имате добри односи со воспитувачите и негувателите. Ако вашето дете може да види дека му верувате на воспитувачот, најверојатно ќе се чувствува сигурно.

7. План за доење
Ако се уште го доите вашето дете, и ако е тоа можно, можеби ќе сакате да дојдете во градинка во текот на денот за да го доите. Многу градинки ги охрабруваат мајките што дојат да ги посетуваат, и тоа може да му помогне на вашето дете да се смири.

Некои деца не сакаат да ја напуштат градинката. Ова е сосема нормално. Тоа не значи дека им се допаѓаат воспитувачите повеќе од нивните семејства. Тоа само покажува дека тие се чувствуваат безбедно во градинка.

Навикнување на дете со посебни потреби во градинка: совети

Се повеќе градинки се охрабруваат да вклучуваат деца со посебни или дополнителни потреби.  Може да има некои дополнителни практични и емоционални предизвици за решавање кај деца со дополнителни потреби.

Ако имате дете со посебни потреби, овие идеи може да му помогнат на вашето дете:

• Кажете им на негувателите и воспитувачите за дополнителните потреби на вашето дете кога ќе го пополните формуларот. Ако добиете дијагноза откако ќе ги завршите документите, известете ја градинката кога ќе му биде понудено место на вашето дете.
• Најдете време да разговарате со персоналот за да може да се подготви за вашето дете - на пример, со набавка на специјализирана опрема или обука на персонал.
• Поминете време со новите едукатори и вашето дете во градинка, за да можете да им покажете на воспитувачите како да се грижат за дополнителните потреби на вашето дете. Можеби ќе треба да го поддржите воспитувачот за да научи нови вештини.
• Разговарајте со воспитувачот на вашето дете за тоа како очекувате вашето дете да се однесува.