Столица и мокрача

Клучни точки: - Многу бистра, безбојна мокрача покажува дека вашето бебе е здраво и внесува доволно течности. - Фреквенцијата, бојата, конзистентноста и мирисот на бебешката столица варираат многу кај бебињата. - Бебешката столица е под влијание на исхраната. - Проблемите со столицата вклучуваат запек и дијареа. Најдобро е да го однесете детето на лекар за проблеми со столицата.

Мокрење: што треба да знаете

Малите бебиња можат да мократ многу пати на ден.

Многу влажни пелени се добар знак - покажува дека вашето бебе добива доволно млеко и други течности. Мокрењете ќе се случува се помалку како што вашето бебе ќе расте, но сепак ќе се случува барем 6-8 пати на ден.

Секој пат кога вашето бебе мокри, погледнете го млазот или бојата на мокрачата на пелената. Ова ви кажува многу за здравјето на вашето бебе.

Чиста и безбојна мокрача е нормална мокрача. Тешката пелена е знак дека има многу мокрача. Невообичаен мирис или потемна мокрача е знак дека вашето бебе може да е дехидрирано или да не добива доволно течности.

Мокрачата со светло розова или портокалова боја не е загрижувачка. Тие се предизвикани со реакција на мокрачата со хемикалии во пелената и се доста чести. Исто така, понекогаш може да има мали „кристали“ на внатрешната површина на пелената за еднократна употреба, кои потекнуваат од внатрешноста на пелената, а не од вашето бебе.

Ако мокрачата има црвеникава или кафеава боја и мислите дека може да има крв во мокрачата, или вашето бебе не изгледа добро, веднаш посетете лекар.

Столица: што треба да знаете

Првата столица на вашето новороденче ќе биде темно зелена супстанција слична на катран, наречена мекониум. Ова е нормално - тоа е празнење на стомакот и содржината на дебелото црево на бебето откако поминало во утробата девет месеци. Можеби ќе видите неколку темнозелени столици неколку дена.

После ова, постои голем опсег на нормално кога станува збор за тоа како изгледа и мириса бебешка столица и колку е тоа често.

Некои бебиња имаат столица неколку пати на ден, а некои само неколку пати неделно. Ова е нормално.

Исфрлањето на столица настанува вообичаено за време или кратко време после хранењето. Ова се нарекува рефлекс на гастро-колика.

Како што минуваат неделите и месеците, може да очекувате промени во столицата, односно во нејзината:

  • фреквенција
  • боја
  • конзистентност - може да биде цврста, течна и се помеѓу
  • мирис - обично мириса кога бебето почнува да јаде цврсти материи.

Како исхраната влијае на столицата

Начинот на кој изгледа столицата на вашето бебе може да зависи од исхраната.

Кај бебиња кои се доени, столицата:
 

  • ќе биде доста мека, можеби дури и течна, малку како сенф, често жолто-портокалова боја, но понекогаш и зелена
  • може да станува поретка, но ќе остане доста мека се додека бебето не почне да јаде цврста храна
  • може да мириса прилично слатко, а мирисот може да влијае на тоа што јаде мајката.

Кај бебиња кои се хранат со вештачко млеко, столицата:

  • генерално е поцврста, но може да варира многу по боја и конзистентност
  • може да биде сиво-жолта (па дури и сиво-сина), или некои нијанси на кафеава боја.

Промена од едно на друго вештачко млеко
Ова може да доведе до промени во изгледот и конзистентноста на столицата.

Кај бебиња кои се хранат со цврсти оброци, столицата:
 

  • станува поцврста и мириса откако ќе воведете цврсти материи
  • може да изгледа како некои цврсти материи да не се сварени. Тоа е затоа што дигестивниот систем на вашето бебе се уште се развива. Обично е нормално.

Проблеми со столица

Запек
Запек е кога столицата е тврда и сува и изгледа како мали џамлии или камчиња. Ваквата столица е тешка за бебето да ја истурка, што може да биде вознемирувачко за него.

Запек е поверојатно да се случи кај бебиња кои се хранат со шише. Обично се случува кога вештачкото млеко е направено со премалку вода.

Бебињата исто така може да добијат запек кога ќе започнат да јадат цврста храна. Ова нормално се решава за неколку недели.

Ако вашето бебе се напрега и кака тешко, суви камчиња или ако гледате крв во столицата, разговарајте со вашиот лекар или патронажна сестра за здравјето на детето и семејството.

Дијареја
Дијареа е кога вашето бебе има многу течни или дури и водени столици, почесто од вообичаеното. Ако бебето повраќа, тоа може да биде цревна инфекција. Во оваа ситуација, важно е веднаш да го посетите вашиот лекар за да бидете сигурни дека вашето бебе нема да дехидрира.

Бледа столица
Ако бебето со жолтица има и бледо жолта, бела или сива столица, веднаш посетете го вашиот лекар - ова може да биде знак за ретка болест на црниот дроб. На бебето ќе му треба тест на крвта за да се потврди дијагноза. Фотографирајте, па дури и земете примероци од столицата на вашето бебе со вас за да може лекарот да го провери тоа.