Забава за време на капење

Потребни материјали: Играчки за во бања или неколку пластични чаши или садови.   

Што можете да направите заедно: Бидејќи секоја игра е можност за развој, искористете го времето за капење за да го поттикнете размислувањето на детето. Земете неколку пластични чаши и заедно истражете ги причините и последиците: кога чашата е полна со вода - потонува, кога ќе ја турнеме со рака - потонува и плива, кога истураме вода додека ја држиме чашата високо итн.  Во зависност од интересите на детето (следете ги неговите реакции), покажете му ги на бебето овие или слични работи додека седи во када.  Додека го правите тоа, опишете што се случува (Еј, погледни ја чашата; таа се спушта, се спушта во водата. Потона! "). Поттикнете ги различните видови на движење и охрабрете го вашето дете да ужива во нив со тоа што ќе му се насмеете или ќе го пофалите секој пат кога ќе видите како експериментира со нешто ново. Ова исто така ќе го поттикне развојот на моториката на вашето бебе.  Времето за капење, исто така, му дава шанса на вашето дете да покаже многу различни емоции - возбуда, љубопитност, можеби ќе се вознемири бидејќи капењето мора да заврши, малку страв ако водата е премногу студена итн.  Забележете ја и уживајте во растечката способност на вашето дете да изразува различни чувства.

Секое капење може да биде можност за ваков вид активност, но на сличен начин, можете да го поттикнете истражувањето на вашето бебе со разни материјали како што се песок, чакал, можеби и ориз или кој било друг материјал.  Внимавајте на безбедноста; како што знаете, бебињата сакаат да ставаат работи во уста.

Што учи вашето дете: За едно бебе, овој свет е сè уште неистражено место и со оваа активност, тоа полека почнува да разбира како работите се меѓусебно поврзани и да развие разбирање и логика. Со ваша помош, капењето му дава многу можности да разбере како функционираат работите, притоа забавувајќи се многу.