Заштитете го вашето дете од комарци

Одење и играње во природа се многу корисни за развојот на детето, но комарците можат да ја расипат забавата. Каснувањата од комарци генерално не се опасни, но предизвикуваат многу непријатности (црвенило, оток, плускавци, чешање).

Најважно е да го заштитите вашето дете од каснување од комарци

Кога вашите деца се на отворено, облечете ги во облека со посветли нијанси, долги панталони, чорапи и маици со долги ракави.

Инсталирајте мрежи за комарци на прозорците и вратите, креветчето за бебиња и количката.

Постојат различни препарати (репеленти) на пазарот кои штитат од каснување од комарци. При изборот, секогаш следете ја возраста наведена на самиот производ (не сите производи се наменети за деца под 2 -годишна возраст), рокот на траење, упатствата за употреба (не важат за сите делови на телото, избегнувајте примена на производот на оштетена и иритирана кожа и нанесете мала количина).

Репелентите доаѓаат во форма на спрејови, ролони, гелови, влажни марамчиња и во различни големини; практични се за патување и добро е секогаш да ги имате при рака. Најдобро е да купите тестирани и регистрирани препарати.

Можете исто така да користите средства за заштита од комарци. Некои се приклучуваат во шструја, додека други се преносливи (работат на батерии) и може да се прицврстат на детска количка, облека, торба.

Избегнувајте престој во природа без препорачана заштита, во периодот кога комарците се најактивни, навечер, покрај реки, езера, неодржани тревни и пошумени области.

По каснување, најдобро е да нанесете ладна облога неколку минути (марамче, газа или пешкир натопена во ладна вода, или шише со вода во фрижидер), а потоа нанесете препарат што има смирувачки својства и го ублажува чешањето.