Imagjinata, kreativiteti dhe loja: fëmijët e moshës parashkollore

Loja e fëmijëve të moshës parashkollore: pse është e rëndësishme për zhvillimin e imagjinatës dhe kreativitetit

Loja e nxit kreativitetin dhe imagjinatën te fëmijët e moshës parashkollore, ndërsa vitet e moshës parashkollore mund të jenë një nga periudhat më kreative në jetën e një fëmije.

Përderisa imagjinata e tyre rritet, loja u jep mundësi fëmijëve parashkollorë:

• ta ndërtojnë besimin
• t’i shprehin ndjenjat dhe t’i mësojnë aftësitë komunikuese
• ta zhvillojnë, praktikojnë dhe përmirësojnë koordinimin dhe aftësitë motorike
• ta praktikojnë vendimmarrjen, zgjidhjen e problemeve dhe të menduarit kritik
• t’i gjurmojnë idetë në një mjedis të sigurt.

Të gjitha këto janë aftësi shumë të rëndësishme për vitet parashkollore dhe më gjerë.

Çfarë të prisni ndërsa derisa zhvillohet imagjinata e fëmijës suaj të moshës parashkollore

Prej rreth tre vjetësh fëmija juaj mund të kënaqet duke përdorur kukulla dhe fustane, duke ju treguar histori shumë të hollësishme për gjëra që nuk kanë ndodhur kurrë, ose duke e pasur një mik imagjinar. Fëmija mund të pretendojë se është një person i rritur, mjek apo astronaut.

Fëmija juaj i moshës parashkollore ndoshta do të jetë shumë i prirë për çdo shans për të shkarravitur, vizatuar, pikturuar dhe ngjitur gjëra. Rreth katër vjeç, fëmija juaj mund të vizatojë vende, gjëra dhe njerëz me shumë detaje nga imagjinata e tij.

Deri në pesë vjet, fëmija juaj mund t’i shprehë mendimet dhe idetë përmes vizatimit. Ai gjithashtu mund të fillojë ta përdorë artin për të treguar histori, për të treguar ndjenja ose për t’i përshkruar gjërat që i ka parë.

Mos harroni, fëmijët në këtë moshë nuk mund të tregojnë gjithmonë se çfarë është e vërtetë dhe çfarë imagjinatë. Kjo mund të nënkuptojë që çdo përbindësh i frikshëm nga tregimet, mund të bëhet realitet për fëmijën tuaj. Nëse fëmija juaj sheh makthe, sigurojeni atë se është i sigurt -përbindëshat janë vetëm të supozuar.

Ide loje dhe aktivitete krijuese për fëmijët e moshës parashkollore

Lereni fëmijën tuaj të luajë në mënyrën e vet, pa qenë ju gjithmonë të përfshirë. Por mbani mend se fëmija juaj ka ende nevojë për ju, që ta inkurajoni dhe ndihmoni, nëse ka probleme.

Këtu janë dhënë disa ide për lojëra, për ta nxitur imagjinatën e fëmijës suaj:

• Tregoni histori dhe lexoni libra. Fëmija juaj i moshës parashkollore mund të kënaqet, të imagjinojë përfundime të reja për tregimet e njohura. Gjithashtu provoni të ndani me të vjersha dhe gjëegjëza. Fëmijët e moshës parashkollore i pëlqejnë në veçanti lojërat me fjalë dhe kënaqen duke bërë shaka ose vjersha të tyre.
• Shkoni për një shëtitje në natyrë ose luani jashtë në mot të ndryshëm. Kjo është një mënyrë e thjeshtë, me kosto të ulët për ta lënë fëmijën tuaj të përjetojë mjedise të reja dhe stimuluese - edhe nëse ndodh vetëm në oborrin tuaj.
• Ndani kohë për lojëra në natyrë.
• Angazhoni fëmijën tuaj t’ju ndihmojë me punët e thjeshta shtëpiake. Ajo mund të jetë një kameriere, që ndihmon në shtrimin e tryezës. Ose ajo mund të dëshirojë të pretendojë se është kuzhiniere dhe t’ju ndihmojë me disa gatime të thjeshta.
• Krijoni një hapësirë të veçantë lojërash brenda shtëpisë tuaj. Kuti të mëdha kartoni ose pëlhura të mbështjella me karrige ofrojnë mundësi të pafundme për lojëra të pretenduara. Përfshini shumë lodra si blloqe ose topa, të cilat mundësojnë lojëra të hapura.
• Ndani kohë për të pushuar dhe ëndërruar. Shtrihuni në shpinë së bashku dhe shikoni retë dhe qiellin. Imagjinoni cilat mund të jenë format e ndryshme.

Ju gjithashtu mund të krijoni disa veprimtari të thjeshta me kosto të ulët për fëmijën tuaj. Për shembull:

• Jepini fëmijës tuaj ngjyra ose lapsa për vizatim dhe shkarravitje.
• Bëni një “kuti të mbushur” për fëmijën tuaj, plot me gjëra si letra me ngjyrë, fije, ngjitës dhe sende tjera të përdorura, si copa kartoni dhe shishe plastike. Kutia speciale gjithashtu mund të përfshijë sende natyrore të gjetura jashtë shtëpisë si degëza, fletë, gurë ose pendë. Në këtë mënyrë do të rezultojnë shumë projekte kreative!
• Mblidhni një kuti me rroba të vjetra, këpucë, kërcyes, çizme, çanta dhe gjëra të tjera për lojërat e veshjes. 
• Nëse keni hapësirë, krijoni një zonë të lirë për lojë me plastelinë, ngjyra, rërë ose ujë. Ne ambient të hapur mund të jetë më mira.
• Mbani revista dhe katalogë të vjetër. Fëmija juaj mund të presë fotografi të njerëzve, kafshëve dhe objekteve deh t’i përdor ato për kolazh.
• Shijoni lojën me kukulla me fëmijën tuaj. E tëra çfarë ju duhet për të filluar është një çorap apo edhe vetëm një qese letre! Bëjeni që të jetë gjithçka që dëshironi.
• Dëgjoni muzikë ose bëni instrumente muzikore nga objektet e përditshme si kuti qumështi të zbrazëta, të mbushura me oriz të zier ose guralecë, ose shirita gome të shtrirë mbi një kuti të hapur.

Koha e kaluar para ekranit dhe loja imagjinare

Fëmijët e moshës parashkollore më së shumti mund të kalojnë një orë në ditë para ekranit. Sidoqoftë, mund të ketë mënyra për ta përdorur atë kohë në mënyrë kreative.

Për shembull, vizatimi ose pikturimi në një ekran mund ta zhvillojë aftësinë e fëmijës tuaj për ta përdorur formën dhe ngjyrën në mënyra imagjinative. Njashtu fëmija juaj mund të marrë ide të reja për lojëra, për të eksploruar në shtëpi nga diçka që sheh në një shfaqje televizive cilësore ose medium tjetër digjital.

Në përgjithësi, ngjarjet kryesore në zhvillim ndodhin në një mënyrë të ngjashme, por mosha kur ato ndodhin mund të ndryshojë për secilin fëmijë. Nëse jeni të shqetësuar për ndonjë aspekt të zhvillimit të fëmijës tuaj, është një ide e mirë të flisni me mjekun familjar ose me edukatorin/kujdestarin e fëmijës suaj.