Kontrolli shëndetësor rutinë : në moshën 6 muajsh

Foshnja juaj po bëhet më i rëndë dhe pritet që pesha t'i dyfishohet që nga lindja deri tani. Gjatë kësaj kohe, ai/ajo mësoi se si të përdorë aftësitë e tij/saj ndijore: nuhatja, shijimi, shikimi, dëgjimi, prekja dhe i lidh ato me aktivitete motorike: kapja, rrotullimi dhe ndoshta ulja. Ai/ajo vazhdon të praktikojë aftësitë e tij/saj vokale, ai/ajo ndoshta tashmë ka filluar të krijojë rrokje dhe ndoshta edhe t'i përsërisë ato.

• Përveç përgatitjes së zakonshme për vizitë, mos harroni të sillni lodrën ose librin e preferuar të fëmijës tuaj dhe shkruani një listë temash ose pyetjesh që dëshironi të diskutoni me pediatrin.

Përmbajtja e vizitës parandaluese 

• Monitorimi i rritjes: të njëjtat matje (gjatësia, pesha dhe perimetri i kokës) do të administrohen dhe vlerat e tyre futen në grafikët (hartat) e rritjes.
   
• Intervista hyrëse dhe këshillimi: Pediatri ose infermierja do të kontrollojnë sa është rritur dhe si po ushqehet fëmija. Nëse fëmija ushqehet me gji, ai do të rekomandojë vazhdimin e gjidhënies me një dietë joqumështore. Ju do të merrni rekomandime për futjen graduale të ushqimeve të ndryshme të ngurta dhe një rritje graduale të numrit të shujtave joqumështore. Mjeku do t'ju njoftoj me problemet më të zakonshme dhe pengesat e mundshme gjatë përdorimit të një diete joqumështore dhe do t'ju japë këshilla specifike. Ai/ajo do të kontrollojë nëse po i jepni fëmijës suaj vitaminë D3 dhe suplement hekuri.
   
• Ekzaminimi mjekësor dhe vlerësimi i zhvillimit: ekzaminimi i rregullt klinik i fëmijës “nga koka deri tek këmbët”. Këtë herë, mjeku do të përcjell mënyrën se si fëmija mbahet në pozita të caktuara, nëse reziston me këmbë kur mbështetet në tokë; nëse ai kap një objekt me të dy duart dhe si luan me të. Juve gjithashtu do t'ju parashtrohen pyetje se sa aktiv është fëmija, si fle. Edhe ju do të jeni në gjendje të bëni pyetjet që ju interesojnë.

• Mënyra e shëndetshme e jetesës: Ekipi do të bisedojë me ju për parandalimin e ekspozimit ndaj tymit të duhanit dhe parandalimin e ekspozimit të hershëm ndaj medieve, mos vënien e fëmijës në gjumë me shishe, veçanërisht shishe që përmban formulë ose pije të ëmbëlsuar, ekspozimin e sigurt ndaj rrezeve të diellit si dhe si të transportoni fëmijën tuaj në mënyrë të sigurt në makinë. Përveç kësaj, ekipi do të flasë për rëndësinë e të lexuarit dhe kënduarit foshnjës dhe pjesëmarrjen e foshnjës në aktivitetet familjare. 

Vaksinimi: 

• Fëmija juaj supozohet që në moshën ndërmjet moshës 5-6 muaj të marr vaksinat sipas kalendarit të imunizimit (zakonisht ai/ajo supozohet të marrë dozën e tretë të vaksinës së kombinuar kundër difterisë, tetanozit, kollës së mirë, poliomielitit dhe gripit hemophilus b në pjesën e sipërme të këmbës dhe dozën e tretë të vaksinës kundër Streptococcus pneumoniae. Doza e tretë e vaksinës së hepatitit B gjithashtu supozohet të jepet në moshën 6 muajsh.
• Nëse fëmija juaj, për ndonjë arsye, ka mbetur pa marrë një nga vaksinat që ai/ajo është dashur të marrë gjatë vizitave të mëparshme, kjo është mundësia për ta marrë atë.

Mendimi përfundimtar 

• Në fund të vizitës, mjeku do t'ju tregojë vlerësimin e tij/saj për përparimin dhe shëndetin e fëmijës suaj.
• Ai/ajo do t'ju japë rekomandime se si ta mbështesni fëmijën tuaj në të mësuarit dhe në lëvizje, mbase do të ndajë disa materiale të shkruara me ju.
• Nëse është e nevojshme, fëmija do të referohet për ekzaminime konsultative shtesë me specialistë të tjerë.

Pas vizitës 

• Shënoni informacionet e reja dhe këshillat e dobishme. 

Mos harroni se rritja dhe zhvillimi i fëmijës suaj është i shpejtë dhe se keni nevojë për ndihmë dhe mbështetje profesionale për t'ia mundësuar fëmijës tuaj që të realizojë plotësisht potencialin me të cilin ka lindur. Mos e humbni këtë mundësi!

Qëllimi i kontrolleve rutinore në këtë moshë është të kontrollohet rritja, zhvillimi dhe shëndeti i fëmijës tuaj, të kryhen vaksinimet e nevojshme të rregullta dhe të jepen rekomandime të tjera për përparimin e tij të suksesshëm.