Ndihma e parë ndaj pickimit nga insektet

Eshtë e rëndësishme që së pari të identifikoni vendin e pickimit dhe llojin e insektit, në mënyrë që të përcaktoni nëse duhet ndihmë profesionale në institucionin më të afërt shëndetësor apo mund ta jepni vetë ndihmën e parë.

Trajtimi i vendit të pickimit përfshin procedurat e mëposhtme:

Qetësojeni fëmijën dhe mos lejoni që ai/ajo të gërvisht vendin e pickimit.
Hiqeni pickimin me lëvizje të buta duke përdorur një objekt të hapur (p.sh. ana e hapur e thikës). Kjo është e rëndësishme të bëhet sa më shpejt të jetë e mundur sepse për sa kohë që është në lëkurë, thumbi vazhdon të lëshojë helm.
Shpëlajeni vendin e pickimit me ujë dhe sapun.
Aplikoni një kompresë të ftohtë (për shembull, akull të mbështjellë me një leckë) në vendin e pickimit për të zvogëluar dhimbjen dhe ënjtjen. Mbajeni kompresën për një maksimum prej 15 minutash, dhe kurrë mos vendosni akull direkt në lëkurë, por vetëm të mbështjellë me një leckë.
Nëse vendi i pickimit është në një krah ose këmbë, është e nevojshme të ngrini krahun ose këmbën për të zvogëluar ënjtjen.
Pas shfaqjes së ndryshimeve të lokalizuara, është e nevojshme të monitoroni nga afër gjendjen e përgjithshme të fëmijës tuaj në orët në vijim, në mënyrë që të zbuloni shfaqjen e mundshme të një reaksioni të rëndë alergjik me kalimin e kohës.

Nëse vëreni simptomat e përshkruara më sipër dhe shenjat e një reaksioni alergjik serioz tek fëmija, ose ai/ajo është pickuar në gojë, hundë, fyt, ose ka gëlltitur apo thithur një insekt, telefononi menjëherë shërbimin e urgjencës mjekësore (127).

Nëse rrethanat janë të tilla që mund të arrini te mjeku më shpejt në ndonjë mënyrë tjetër, organizohuni që fëmija të transportohet në institucionin më të afërt shëndetësor (klinikë, qendër shëndetësore, spital), duke i siguruar gjatë transportit reanimacionin kardiopulmonar nëse është e nevojshme.