Një fëmijë është helmuar- Çfarë të bëjmë?

Ç'mund të bëni derisa fëmija të marrë ndihmë mjekësore profesionale?

Në rast të inhalimit të helmeve ose gazeve toksike:

• Mbroni veten, sepse gazet helmuese mund t'ju dëmtojnë
• Nxirreni fëmijën në ajër të pastër sa më shpejt të jetë e mundur

Në rast të gëlltitjes të helmit:

• Mbaje larg nga fëmija burimin e helmit
• Inkurajojeni fëmijën të pështyjë helmin që  nuk e ka gëlltitur, ose të heqë helmin nga goja me gishtat tuaj
• Mos provokoni të vjella

Në rast se gëlltitet ose ngec në hundë, fyt, vesh një bateri e vogël:

• Kontaktoni shërbimin mjekësor të urgjencës (127) që bateria të hiqet sa më shpejt që të jetë e mundur

Në rast se helmi aplikohet në lëkurë:

• Hiqini rrobat e fëmijës të zhytura në helm
• Shplani lëkurën me ujë të vakët për të paktën 15 minuta
• Mos apliko kremra ose vajëra në lëkurën e dëmtuar

Në rast se helmi shpërndahet në sy:

• Shplani sytë me ujë të vakët për 15 minuta, nga pjesa e brendshme deri në cepin e jashtëm të syve, duke i mbajtur qepallat hapur
• Mos i mbuloni sytë me garzë, pëlhurë, etj.
• Mos hidhni pika ose përmbajtje vajore në sy pa u këshilluar më parë me mjekun

Nëse fëmija është i pavetëdijshëm dhe nuk tregon shenja jete, është e nevojshme të fillojë menjëherë reanimacionin kardiopulmonar dhe të thërrasni ambulancën sa më shpejt të jetë e mundur (127). Reanimacioni kardiopulmonar duhet të kryhen deri në mbërritjen e ekipit mjekësor të urgjencës.

Ruaje ilaçin ose kimikatin që dyshoni se ka shkaktuar helmimin. Njohja e llojit të helmit ndihmon specialistët në përcaktimin e trajtimit.

Mos u përpiqni të nxitni të vjella te fëmija pa u këshilluar më parë me mjekun. Gjithashtu, mos i ofroni fëmijës asgjë për të ngrënë ose për të pirë pa u këshilluar më parë me mjekun.