Përfitimet e ushqyerjes me gji gjatë COVID-19

A e mbron ushqyerja me gji fëmijën tim?

Ushqyerja me gji shpëton jetë. Hulumtimet tregojnë se duke i rritur normat e ushqyerjes me gji, çdo vit ne mund të shpëtojmë jetën e më shumë se 820,000 fëmijëve në të gjithë botën. Qumështi i gjirit siguron antitrupa që u japin foshnjave një nxitje të shëndetshme dhe i mbrojnë ato kundër COVID-19, nëse foshnja ekspozohet. Përveç kësaj, virusi korona nuk është gjetur në qumështin e gjirit, dhe transmetimi përmes ushqyerjes me gji nuk është vërtetuar.

Ushqyerja me gji rekomandohet globalisht nga Organizata Botërore e Shëndetësisë (OBSH) dhe UNICEF-i, si dhe është pjesë e rekomandimeve kombëtare për ushqimin e foshnjave dhe fëmijëve të vegjël:

• Qumështi i gjirit siguron të gjithë ushqimin dhe ujin që fëmija juaj ka nevojë gjatë 6 muajve të parë të jetës.
• Mos i jepni asgjë tjetër, madje as ujë, gjatë 6 muajve të parë të foshnjës tuaj.
• Dhënia e ndonjë gjëje tjetër (si ushqim, qumësht lope, lëng, çaj apo edhe ujë) do të bëjë që foshnja juaj të thithë më pak dhe do të zvogëlojë sasinë e qumështit të gjirit që ju prodhoni. Kjo mund ta sëmurë fëmijën tuaj dhe të parandalojë që ai/ajo të rritet mirë.
• Ju mund t’i jepni ilaçe foshnjës nëse ato rekomandohen nga profesionistë të kujdesit shëndetësor.