Qendra e kujdesit për fëmijë: kur fëmija juaj nuk adaptohet me mjedisin e ri

Rreth adaptimit në qendrën e kujdesit për fëmijë

Për fat të mirë disa fëmijë adaptohen në mjedisin e tyre të ri, në qendrën e kujdesit për fëmijë, brenda disa ditësh ose javësh. Të tjerët shqetësohen dhe qajnë, madje edhe pas javëve të para. Disa fëmijë adaptohen në fillim, por shqetësohen më vonë - shpesh kur konsumohet risia që ofron mjedisi i ri.

Mund t’u ndihmojë nëse e dini se shumica e fëmijëve e ndërpresin të qarit menjëherë pasi të shkojë prindi. Madje shumica e fëmijëve rehatohen përfundimisht.

Ankthi i ndarjes është një pjesë normale e zhvillimit të fëmijës. Vështirësia e shkaktuar nga ndarja është se ajo shpesh fillon në kohën që familjet fillojnë ta dërgojnë fëmijën në qendrën e kujdesit të fëmijëve. Ankthi do të kalojë vetvetiu, madje me siguri edukatorët e fëmijës suaj do të kenë shumë ide për ta mbështetur atë.

Ndarja e informacioneve: mënyra kyçe për t’i ndihmuar fëmijët që nuk rehatohen në qendrën e kujdesit të fëmijëve

Ndarja e informacioneve me edukatorët dhe kujdestarët e qendrës së kujdesit të fëmijës suaj është me të vërtetë e rëndësishme për të ndihmuar fëmijën tuaj të adaptohet aty.

Për shembull, mund të thuash, “Norës nuk i pëlqen batanija gjatë kohës së gjumës”. Ose mund t’u tregoni atyre për gjërat që bëni në shtëpi, si një këngë e veçantë që e këndoni, kur ia ndryshoni pelenën.

Është gjithashtu një ide e mirë për të ndarë atë që po ndodh në shtëpi dhe se si ndihet fëmija juaj. Për shembull, fëmija juaj mund të jetë i ngazëllyer për një ditëlindje, ose i trishtuar dhe nuk është duke fjetur mirë, sepse nëna e saj është larg.

Një bisedë me edukatorët në fillim dhe në fund të çdo dite ju jep mundësi për të gjetur se si po rehatohet fëmija juaj. Gjithashtu ju ndihmon të ndërtoni marrëdhënie me edukatorët e fëmijës suaj.

Ju mund të kontrolloni me qendrën e kujdesit të fëmijëve, nëse është në rregull për ju të telefononi gjatë ditës për të pyetur se si është rehatuar fëmija juaj. Kjo me të vërtetë mund të ndihmojë që të jeni të qentë mendërisht. Shumica e ambienteve të qendrave të kujdesit i mirëpresin këto thirrje.

Ndërtimi i marrëdhënieve të fëmijës suaj me edukatorët

Fëmijët ndjehen të sigurt me njerëzit që i njohin mirë dhe iu besojnë. Pra, një nga gjërat më të mira që mund të bëni është ta ndihmoni fëmijën tuaj të ndërtojë marrëdhënie besimi me edukatorët e saj. Këtu janë dhënë disa ide:

• Tregoni fëmijës tuaj se iu besoni edukatorëve — për shembull, le të shohë se ju flisni mirë me ta.
• Bisedoni me fëmijën tuaj për edukatorët në të njëjtën mënyrë që flisni për miqtë e familjes suaj. Thoni gjëra pozitive dhe përdorni emrat e edukatorëve.
• Shfaqni fotot e edukatorëve në shtëpi dhe jepuni atyre fotografi tuaja, në mënyrë që ata të mund të flasin për ju me fëmijën tuaj. Ose mund të vendosni fotot në një libër për fëmijën tënd. Kjo ndihmon fëmijën tuaj të bëjë një lidhje midis shtëpisë dhe qendrës ë kujdesit të fëmijëve.

Duke thënë lamtumirë: këshilla për të ndihmuar fëmijët që nuk janë duke u rehatuar në qendrën e kujdesit të fëmijëve

Këtu janë dhënë disa ide, që mund të përpiqeni ta bëni më të lehtë për ju dhe fëmijën tuaj që të mund t’i thoni njëri-tjetri thënë lamtumirë në qendrën e kujdesit të fëmijëve:

• Pranoni ndjenjat e fëmijës suaj, jepni asaj fjalë që ta ndihmoni të shprehet dhe ta ngushëlloni atë. Për shembull, “Unë e di që ti ndihesh e mërzitur. Është e vështirë të thuash lamtumirë. Mirëpo Tina ka marrë disa gjethe të bukura për t’i treguar”.
• Flisni për një aktivitet që ju dhe fëmija juaj do ta bëni së bashku, kur të shkoni në shtëpi ose kur të vini ta merrni atë, si loja në kopsht ose leximi i një historie.
• Ruani një rutinë lamtumirë, si tre puthje dhe një përqafim të madh ose ndonjë gjë tjetër të veçantë që është kuptimplotë për fëmijën tuaj.
• Lëreni fëmijën tuaj të dijë se ju ose një tjetër i rritur i njohur do të ktheheni për ta marrë atë në një kohë të caktuar, ose pas një ngjarjeje që fëmija juaj e kupton, si gjumi ose koha e zëmrës.
• Le të jetë “lamtumira” e shkurtër.  Qëndrimi pranë për ta ngushëlluar fëmijën tuaj të mërzitur ndonjëherë mund t’i bëjë gjërat më të vështira. Kjo është një ide e mirë për t’u siguruar që edukatori është afër për ta ngushëlluar fëmijën tuaj, kur ju largoheni.
• Mundohuni të qëndroni pozitiv, si kur thoni lamtumirë si në shtëpi. Përndryshe fëmija juaj mund t’i përvetësojë ndjenjat tuaja të shqetësimit dhe të ndjehet më i shqetësuar ose i pasigurt.

Gjithmonë thoni lamtumirë, edhe nëse fëmija juaj duket i zënë dhe i lumtur kur është koha që ju të largoheni. Largimi pa lamtumirë mund t’i bëjë fëmijët më të mërzitur kur e kuptojnë se ju keni shkuar. Më së miri është t’ia bëni me dije fëmijës suaj se ju jeni duke shkuar dhe t’i thoni se ju do të ktheheni më vonë.

Nëse e vëreni se fëmija juaj nuk është duke u rehatuar dhe se adaptimi në qendrën e kujdesit thjesht nuk është e drejtë për fëmijën tuaj, ju mund të dëshironi t’i eksploroni parametrat e tjera të kujdesit për fëmijë, që mund t’i përshtaten atij më mirë.