Si të pastroni hundën e foshnjës

Hunda e foshnjës

Hunda e foshnjës pastrohet vetvetiu pasi mukoza mbledh dhe largon papastërtitë. Kujdesi shtesë për hundën është i nevojshëm vetëm nëse hunda sekreton shumë mukozë, gjë që ndodh kur foshnja ftohet. Tretësira e kripur përdoret për shpëlarjen e hundës: 

• vendoseni foshnjën në krahë,
• hidhni disa pika tretësirë ​​të kripur në vrimën e sipërme të hundës ose spërkatni të njëjtën tretësirë,
• ngrijeni foshnjën pak lartë, me kokën e tij/saj të kthyer teposhtë, duke e mbështetur me krahun tuaj dhe goditeni lehtë në shpinë në mënyrë që mukoza të rrjedhë jashtë ose të bëhet e dukshme;
• nëse mukoza dëgjohet por nuk shihet, hidhni sërish tretësirën e kripur në hundë;
• kthejeni foshnjën me fytyrë poshtë dhe kur mukoza të bëhet e dukshme, tërhiqeni atë me një cep të përdredhur të pelenës ose një shkop pambuku të thatë,
• pas disa minutash, përsëriteni procedurën në vrimën tjetër të hundës duke e shtirë foshnjën në anën tjetër;
• nëse është e nevojshme, pastrimi i hundës mund të bëhet para çdo sesioni të ushqyerjes me gji.

Shkopinjtë (strishot) e pambukut nuk duhet të futen asnjëherë në vrimë të hundës. Mos përdorni pompa dhe aspiratorë për të pastruar hundën e një foshnje të shëndoshë - përdorni ato vetëm kur foshnja është e sëmurë dhe ka shumë mukozë. Nëse foshnja juaj ka vështirësi të ushqehet me gji ose refuzon të ushqehet me gji për shkak të hundës së bllokuar, konsultohuni me pediatrin.