Ushqyerja e foshnjave me shishe

Nëse do të ushqeni foshnjën tuaj me shishe, duhet t’i ndiqni rekomandimet themelore, për t’u siguruar që ai/ajo ta merr ushqimin e duhur, për të parandaluar infeksionet dhe rreziqet e tjera që ndërlidhen me këtë mënyrë të të ushqyerit.

Ndonjëherë një fëmijë nuk mund të thithë gji, kështu që ju do të vendosni të shtrydhni qumështin tuaj dhe ta ushqeni fëmijën me shishe. Disa foshnje ushqehen me formulë, sepse për ndonjë arsye nuk mund t’i ushqeni me gji, ose laktacioni ndërpritet para kohe, ose keni zgjedhur ushqyerjen artificiale për foshnjën tuaj.

Sigurohuni që qumështi i dalë nga shishja të jetë i përshtatshëm për foshnjën.
Për të kontrolluar rrjedhën e qumështit, ktheni shishen e mbushur përmbys.
Qumështi duhet të pikojë në pika të shpejta, në vend që të rrjedhë rrëke. Nëse duhet ta tundni shishen fort që qumështi të fillojë të rrjedhë, kjo do të thotë që rrjedha është shumë e ngadaltë.
Fëmijën mund ta zë gjumi para se ta përfundojë vaktin e tij/saj.
Është normale që një sasi e vogël qumështi të rrjedhë nga cepat e gojës së foshnjës; kur fëmija të rritet kjo dukuri do të ndalet.
Nëse nuk mund të gjeni biberonin ideal, zgjidhni një më të shpejtë sesa një më të ngadaltë; është normale të provoni disa biberona derisa të gjeni një që ju përshtatet juve dhe foshnjës suaj.

Si ta ushqeni foshnjën me shishe

Krijoni vetes rehati dhe mbajeni foshnjën afër jush butësisht, por në mënyrë të vendosur. Është më mirë që foshnja të jetë në një pozicion më të drejtë, i ngjashëm me pozicionin e gjidhënies.
Poziciononi biberonin midis buzëve të foshnjës; ai/ajo do ta hapë gojën dhe do të fillojë të thithë.
Mbajeni shishen në një kënd në mënyrë që biberoni dhe qafa e shishes të mbushen vazhdimisht me qumësht; kjo do të parandalojë që foshnja të gëlltisë ajrin.
Kur foshnja pushon së thithuri fort ose ka pirë gjysmën e qumështit nga shishja, tërhiqeni butësisht shishen dhe kontrolloni nëse dëshiron të përtypet; kur të keni vëreni se ende përtypet, lëreni foshnjën të vazhdojë me pirjen e qumështit.
Ndryshoni pozicionin e foshnjës gjatë ushqyerjes, ose të paktën për secilin ushqim; kjo do t’i stimulojë në mënyrë të barabartë shqisat e foshnjës në të dy anët e trupit dhe do të parandalojë deformimin e pozicionit të kokës.

Sa qumësht ka nevojë për një fëmijë?

Numri i vakteve dhe sasia e qumështit përcaktohet nga foshnja! Foshnja të ndryshme kanë nevojë për sasi të ndryshme të qumështit të gjirit ose formulës. Vaktet nuk janë gjithnjë të vendosura në mënyrë të barabartë, ndonjëherë ato janë më të shpeshta gjatë ditës të pasuara nga një pushim më i gjatë.
Nëse e ushqeni foshnjën tuaj me formula (tretje), shihni tabelën në secilën kuti. Sigurisht, madhësia e rekomanduar e vaktit për një moshë të caktuar do të shërbejë vetëm si një udhëzues dhe nuk do t’i përshtatet domosdoshmërisht fëmijës tuaj.
Kur fëmija fillon të marrë ushqime të tjera, ndërsa sasia e ushqimit të ngurtë rritet, atëherë do të ulet nevoja e fëmijës për qumësht.
Sasia e formulës që pi fëmija do të ulet kur ai/ajo të kalojë nga shishja në filxhan.
Në moshën 12 muajshe, kur ai/ajo mund të kalojë në qumështin e lopës, fëmija zakonisht merr 500-600 ml. qumësht gjiri ose formulë çdo ditë.

Disa fëmijë nuk pinë kurrë sasinë e qumështit të rekomanduar për moshën dhe madhësinë e tyre. Për disa, kjo shumë e “përshkruar” është e pamjaftueshme. Të paktën gjashtë pelena të lagura gjatë ditës, shtim i vazhdueshëm por jo i tepërt i peshës, bebe e lulëzuar dhe aktive do të thotë që gjithçka është në rregull. Nëse shqetësoheni se fëmija juaj nuk po merr mjaft qumësht ose formulë, konsultohuni me një mjek.

Ushqimi i përgjegjshëm me shishe, në përputhje me nevojat e foshnjës

Ushqeni foshnjën kur ai/ajo tregon se është i uritur dhe jo sipas orarit, por ndiqni sinjalet e foshnjës.
Mos e ushqeni fëmijën nëse ai/ajo nuk është i uritur, thjesht sepse vakti i formulës është përgatitur tashmë - kjo mund të rezultojë në ushqimin e tepërt të fëmijës.
Kur një fëmijë ushqehet me shishe, nuk ka asnjë ndryshim midis qumështit në fillim të pirjes dhe qumështit në fund, i cili ndikon në ndjenjën e ngopjes së një fëmije me gji.
Fëmija shpesh pozicionohet në mënyrë të tillë që qumështi thjesht derdhet në gojë, në vend të thithjes aktive; fëmija pi shumë qumësht dhe shumë shpejt.
Gjatë ushqimit, vëzhgoni fëmijën për të vërejtur shenja të ngopjes - largimi nga shishja, thithja dembel - dhe ndaloni vaktin në kohë.
Gjatë ushqyerjes, mbajeni foshnjën tuaj afër jush, përqafojeni dhe flisni me të; kjo stimulon rritjen dhe zhvillimin dhe një lidhje më të fortë midis jush dhe foshnjës tuaj.
Foshnja nuk e ka pirë gjithë shishen ose e ka zënë gjumi gjatë të ushqyerit.
Mos u shqetësoni nëse fëmija nuk e përfundon shishen; le të përcaktojë sa formula ose qumësht gjiri i nevojiten.
Nëse foshnja fle gjumë gjatë pirjes, vendoseni atë në shpatullën tuaj, fërkojeni atë në shpinë dhe këmbë; ndërrimi i pelenave është gjithashtu një mënyrë efektive për ta zgjuar fëmijën.
Prisni që fëmija të zgjohet para se t’ia jepni pjesën tjetër të qumështit. Gjithmonë hidhni pjesën tjetër të qumështit nga shishja nëse ka kaluar më shumë se një orë!

Ushqyerja natën

Çdo fëmijë është ndryshe. Disa do të heqin dorë nga ushqimi gjatë natës në katër muaj, ndërsa disa tjerë në dy vjeç. Nga muaji i 6-të i jetës, foshnjat që kanë rritë të mirë më nuk kanë nevojë për një vakt gjatë natës. Tani më është vetëm një zakon, i cili mund të jetë gjithnjë e më i vështirë për t’u ndryshuar, sa më i vjetër të bëhet fëmija.
Nëse një fëmijë ushqehet me shishe, kjo është mosha më e fundit për heqjen dorë nga vaktet e natës! Mos i zëvendësoni me lëngje ose pije të tjera të ëmbëlsuara, për t’i mbrojtur dhëmbët e foshnjës nga kariesi.
Nëse foshnja juaj pi 60 ml qumësht ose më pak gjatë natës, ju mund të ndaloni papritur ushqimin gjatë natës dhe ta qetësoni foshnjën me teknikat tuaja të provuara, dhe pastaj ta vendosni përsëri në shtrat për ta vazhduar vetë gjumin.
Nëse fëmija juaj pi më shumë se 60 ml çdo natë, zvogëloni gradualisht sasinë e qumështit për 5 deri në 7 netë dhe qetësojeni fëmijën siç bëni zakonisht.

Rreziqet e ushqyerjes me shishe në shtrat

Nëse foshnja juaj mësohet të bjerë në gjumë me një shishe në shtrat, do të jetë më e vështirë për të, që të mësojë të qetësohet ose ta zë gjumi vetë.
Nëse një fëmijë bie në gjumë me një shishe në gojën e tij, ekziston rreziku i mbytjes nga qumështi. Bebet zgjohen më shumë nëse diçka ndërhyn në frymëmarrjen e tyre sesa fëmijët e moshuar dhe të rriturit.
Formula që mbetet në gojë gjatë gjumit shkaktojnë kariesin e dhëmbëve.
Kur një fëmijë pi nga një shishe i shtrirë në pozicion, atëherë rritet rreziku i infektimit të veshit.