Афсонаро тахмин кунем

Маводҳои зарурӣ: Лозим нест

Шумо ҳамроҳ чӣ кор карда метавонед: Аз кӯдакон пурсед, ки оё онҳо мехоҳанд китобҳои шахсии худро таҳия кунанд ё номҳои китобҳои шинохтаашонро аз кулоҳ интихоб кунанд.

Дар зер баъзе вариантҳои машҳур пешниҳод менамоем:

• Кирми абрешими хеле гурусна (ҳамаи ғизоро истеъмол намуда, ба пила табдил шуда пас ба  шабпарак мубаддал шавед).
• Дар он ҷое, ки ҳайвоноти ваҳшӣ зиндагӣ мекунанд (пеш аз он ки барои хӯроки гарм равед ғурриш кунед, қадам занед ва "подшоҳи ҳама ҷонварони ваҳшӣ" шавед).
• Алиса дар олами аҷоибот (тасаввур кунед, ки шумо ба хонаи хурди  харгӯшҳо афтодед, ва барои аз дар гузаштан аз шиша бо навиштаҷоти "Маро бинӯш" нӯшидед).
• Питер Пэн (ба Неверленд парвоз кунед ва бо капитан Ҳук бо шамшерҳо мубориза баред).

Қисми боқимондаи бозингарон бояд номи китобро тахмин кунанд ва касе, ки аввал номи дурустро номбар мекунад, ҳаракати навбатиро анҷом медиҳад.

Барои бозингарони хурдтар, чор ё панҷ китобро интихоб намуда, аз онҳо пурсед, то ин ки бо кадом китоби интихобшуда бозӣ мекунанд. Онҳо инчунин метавонанд бо ёрии калонсолон китоби худро иҷро намоянд.

Фарзанди шумо чиро меомӯзад: Ин фаъолият барои такмили эътимод ва тахаюлоти фарзанди Шумо тавассути иҷрои китобҳои ҳикояҳои дӯстдоштааш беҳтарин мебошад. Дигар бозингарон бояд барои тахмин кардани номи китоб ба таври ҷиддӣ бодиққат бошанд – ва ин  барои таҷрибаи малакаҳои гӯш кардан ва тамаркуз кардан низ хеле хуб аст.