Мутахассис оид ба машварати тиббӣ-генетикӣ

Мутахассисони машварати тиббӣ-генетикӣ дар бораи бемориҳои ирсӣ ва имконоти идоракунии онҳо сӯҳбат хоҳанд кард. Агар Шумо дар авлодатон бемориҳои ирсӣ дошта бошед, ба мутахассис муроҷиат кунед, машварат ба Шумо дар фаҳмидани он, ки он ба сифати зиндагии Шумо чӣ гуна таъсир мерасонад ва чӣ гуна Шумо метавонед интиқоли онро пешгирӣ кунед, кӯмак мерасонад.

Мутахассисони тиббӣ-генетикӣ киҳоянд

Машваратчиёни тиббӣ-генетикӣ – мутахассисони тиб дар соҳаи генетика ва машваратҳои тиббӣ-генетикӣ мебошанд. Онҳо як қисми гурӯҳи мутахассисон дар соҳаи генетикаи тиббӣ мебошанд.

Агар дар оилаи Шумо ҳолатҳои бемориҳои генетикӣ вуҷуд дошта бошанд, мутахассисони машварати тиббӣ-генетикӣ метавонанд ба Шумо кӯмак расонанд дар фаҳмидани:

  • тағирёбии рафти беморӣ бо мурури замон;
  • таъсири ин беморӣ ба сифати ҳаёт;
  • эҳтимолияти гузариши ин беморӣ ба дигар аъзоёни оила;
  • роҳҳои пешгирии интиқоли ин беморӣ ба наздикон;
  • муошират бо дигар оилаҳои дорои чунин бемориҳои генетикӣ.

Мушовирони тиббӣ-генетикӣ метавонанд ба Шумо оиди беморӣ, қабули қарорҳои оқилона дар бораи тағир додани тарзи зиндагӣ, ки дар идоракунии ҳолат ба Шумо кӯмак мерасонанд, маслиҳат медиҳанд.

Мушовирони тиббӣ-генетикӣ вазъият, эътиқод ва арзишҳои оилавии Шуморо бо эҳтиром ба назар мегиранд. Онҳо ба Шумо маълумоти мураккабро шарҳ медиҳанд ва ба Шумо мегӯянд, ки чӣ гуна бо номуайянӣ ё нигарониҳо дар бораи оянда мубориза баред. Онҳо инчунинт барои мутобиқ шудан ба ҳаёт бо бемории генетикӣ ба Шумо ё наздикони Шумо кӯмак мекунанд.

Барои чӣ ба машварати тиббӣ-генетикӣ бояд муроҷиат кард

Муҳимтарин вазифаи мутахассиси машварати тиббӣ-генетикӣ – ин боварӣ ҳосил кардан, ки Шумо дар бораи бемориҳои эҳтимолии генетикӣ дар оилаи худ маълумоти пурра доред, барои ин ӯ метавонад таҳқиқи генетикиро ташкил кунад.

Эҳтимол, ба Шумо машварати тиббӣ-генетикӣ лозим аст, агар:

  • Шумо аз беморие огоҳед, ки дар оилаи Шумо аз насл ба насл мегузарад ва Шумо хавотир ҳастед, ки он метавонад ба Шумо ё фарзандонатон гузарад;
  • фарзанди Шумо мушкилоти ҷиддие дорад, ки ба афзоиш, рушд ё саломатии ӯ таъсир мерасонад ва Шумо аз он нигарон ҳастед, ки ин мушкилот ирсӣ аст;
  • Шумо ва ҳамсари Шумо фарзанддор шудан мехоҳед;
  • Шумо ҳомиладор ҳастед ва натиҷаҳои санҷиш нишон медиҳанд, ки кӯдаки Шумо эҳтимолияти бемории ирсӣ дорад ё ҳангоми ташхиси ултрасадо дар кӯдаки Шумо ягон ихтилол зоҳир шудааст.

Агар Шумо дар бораи саломатии худ нигарон бошед, аввал ба духтур муроҷиат кунед. Вай ба Шумо мегӯяд, ки оё машварати тиббӣ-генетикӣ лозим аст ва Шуморо ба мутахассис равона мекунад.

Пеш аз он ки Шумо ба мутахассиси машварати тиббӣ-генетикӣ равед

Пеш аз он ки ба мутахассис муроҷиат кунед, муфид аст муайян намоед:

  • Чаро ба Шумо машварат лозим аст: бо духтур сӯҳбат кунед, чаро ба Шумо машварати тиббӣ- генетикӣ лозим аст?
  • Пеш аз муроҷиат ба мутахассис чӣ кор кардан лозим аст?
  • Маблағ: маслиҳати мутахассис чӣ қадар арзиш дорад?
  • Ҷойгиршавӣ: фаҳмед, ки қабул дар куҷо баргузор мешавад?