Нақшофарӣ

Ба Шумо чӣ лозим мешавад: лӯхтакҳо, суробчаҳо ва бозичаҳо; ашёи рӯзгор.

Бозӣ аз чӣ иборат аст: Ин машғулият ба кӯдакон озодии комили эҷодкорӣ ва тасаввурот медиҳад!

Бигзор ҳамаи кӯдакон бо лӯхтакҳо, суробчаҳо ва бозичаҳои худ ҷамъ шаванд. Онҳоро даъват кунед, ки ғояҳои гуногунро барои саҳнача ё намоишнома муҳокима кунанд. Дар байни лӯхтакҳо/бозичаҳо чӣ гуна муносибат вуҷуд дошта метавонад? Воқеа дар куҷо сурат мегирад? Онҳо чӣ гуна ҳикояҳои ҷолибро таҳия карда метавонанд?

Кӯдакон бояд маслиҳат кунанд, ки кӣ лӯхтакҳо ва бозичаҳоро бозӣ/овоз/ҳаракат медорад. Шумо метавонед якҷоя як сенарий барои нақшҳои гуногун нависед ё хурсандона импровизатсия кунед!

Пас аз машқ кардан ва кор карда баромадани ғояҳои гуногун, аз онҳо хоҳиш кунед, ки дар назди дӯстон ва оила саҳначаҳоро иҷро кунанд. Барои эҷоди як саҳначаи воқеӣ, эҳсос кардани он, ки он чӣ гуна иҷро мешавад, Шумо метавонед ҳар дафъа кӯшиш кунед, ки бозиро аз ҷое, ки охирин "саҳна" ба охир расид, оғоз кунед. Чароғҳо, камера, мотор!

Фарзанди Шумо чиро меомӯзад: Ин машғулият  - як роҳи олии рушди қобилияти тасаввурот ва эҷодиёти кӯдакон, инчунин ташаккули эътимод ба худ ва малакаҳои иҷтимоӣ мебошад.