Усулҳои алтернативии ғизодиҳӣ ба навзодон ва тифлон

Ба кӯдаконе, ки муваққатан ё доимӣ сина макида наметавонанд, тавре ғизо медиҳанд, ки ба ниёзҳои онҳо мувофиқ бошад. Усули аз ҳама мувофиқ барои ҳар як модар ва кӯдак инфиродӣ интихоб карда мешавад.

Ғизодиҳӣ аз пиёла – ин усул ҳангоми гузариш ба синамаконӣ тавсия дода мешавад. Ин як роҳи беҳтаринест барои илова кардани шири аз сина ҷӯшидашуда пас аз синамаконӣ, дар ҳоле, ки кӯдак хурдсол ва заиф аст ва наметавонад ҳангоми синамаконӣ бо шири модар кофӣ таъмин карда шавад.

Ғизодиҳӣ аз пиёла нисбат ба ғизодиҳӣ аз шишача бартариҳои зиёд дорад:

Ҳамоҳангсозии макидан, фурӯ бурдан ва нафаскаширо инкишоф медиҳад.
Ба кӯдак имкон медиҳад, ки миқдор ва суръати макиданро назорат кунад.
Кӯдак дар назди модар аст ва бо чашмонаш муошират карда метавонад.
Барои риояи қоидаҳои гигиенӣ осон мебошад.

Усули аз ҳама бештар истифодашаванда бо шишачаи пистонакдор ғизо додан аст. Ғизодиҳии шишагӣ метавонад сина гирифтанро душвор созад ва баъзан ҳатто боиси рад кардани синамакӣ гардад. Ҳамчун усули ғизодиҳӣ барои кӯдаке, ки ҳанӯз сина макида наметавонад ва барои кӯдаке, ки ғизои иловагӣ мегирад, тавсия дода намешавад.
Агар кӯдаки Шумо ғизои сунъӣ гирад, риояи қоидаҳои гигиенаи таҷҳизот ва тайёр кардани ғизо муҳим аст. Тавсия дода мешавад, ки тақрибан дар шашмоҳагӣ кӯдак ба истифодаи пиёла шурӯъ кунад, аз пиёла нӯшиданро омӯзад ва то охири 1 соли аввали ҳаёт истифодаи шишаро қатъ кунад. Ғизодиҳӣ бо найча (зонд) барои кӯдаконе, ки ҳамоҳангсозии макидан ва фурӯ бурданро надоранд, зарур аст. Шприцҳо, капельница ё қошуқчаҳоро барои миқдори хеле ками шир, ба мисли шири фалла (молозиво) дар рӯзҳои аввали ҳаёт истифода бурдан мумкин аст. Кӯдак суръати ширро назорат карда наметавонад, аз ин рӯ, агар тез дода шавад, эҳтимолияти бо шир нафасгир шудан вуҷуд дорад.
Агар Шумо саволҳо ё нофаҳмӣ дар бораи синамаконӣ дошта бошед, лутфан ба табиби оилавии худ муроҷиат кунед. Ба Шумо кӯмак мерасонанд ва маслиҳатҳои касбӣ медиҳанд.