Вақте ки кӯдак аз ширмакӣ даст кашад

Рад кардани сина одатан танҳо як ҳолати муваққатӣ аст, ки онро метавон тавассути тағир додани мавқеи синамаконӣ ва фароҳам овардани муҳити оромтар барои кӯдак, бо сабру таҳаммул ва нозук ислоҳ кард.

Ҳангоми синамакӣ  кӯдак метавонад танҳо як ё ҳарду синаро рад кунад. Чунин мешавад, ки кӯдак гурусна менамояд, аммо вақте ки ба ӯ сина пешниҳод мекунанд, вай онро гирифта ва макида наметавонад. Ё кӯдак синаро гирифта ба макидан шурӯъ мекунад, аммо ба зудӣ онро мепартояд ва гиря мекунад, зеро дар даҳонаш нигоҳ дошта наметавонад.

Сабабҳои рад кардани сина ва душворӣ дар бастани сина

• Кӯдак синаро гирифта наметавонад

• Мавқеи нодурусти синамаконӣ

• Кӯдак як синаро афзалтар медонад

• Сина сахт ё варам кардааст

• Ҳангоми синамаконӣ шир аз сина оҳиста ё тезтар аз муқаррарӣ берун меояд.

• Кӯдак гурусна нест

• Кӯдак ба шиша ё пистонак одат кардааст

• Кӯдак хаста шудааст, ё аз муҳити атроф парешон аст, ки барои кӯдакони синни бармаҳал муқаррарӣ аст

• Кӯдак шамол кашидааст

• Ягон ҷои кӯдак дард мекунад ё  ӯ нороҳат аст

• Шир таъми дигар дорад. Ин ҳолатҳо, агар шумо доруворӣ истеъмол карда бошед, ё бо сабаби тағирёбии гормоналӣ дар давраи ҳайз ё ягон чизи ғайриоддӣ хӯрдаед, рӯй медиҳад

• Шумо атр ё дезодоранти худро иваз кардед.

Чӣ кӯмак карда метавонад:

• Боварӣ ҳосил кунед, ки кӯдак дар ҳолати дуруст қарор дорад ва санҷед, ки ӯ чӣ гуна як сина ва синаи дигарро мегирад.

• Кӯдакро ором кунед, ӯро дар назди сина нигоҳ доред

• Пеш аз он ки кӯдакро ба сина гузоред, лабони ӯро бо пистон ламс кунед, то даҳони худро васеъ кушояд.

• Кӯдаки худро барои шир додан маҷбур накунед.

• Агар кӯдак гиря ва ҷунбиши зиёд кунад, сина  доданро қатъ кунед ва пас аз 15 дақиқа, пас аз ором шудани ӯ дубора кӯшиш кунед.

• Ҳангоми гиря кӯдаки худро маҷбур накунед, ки синаро гирад: синамаконӣ бояд бо қаноатмандӣ алоқаманд бошад

• Боварӣ ҳосил кунед, ки синаҳои шумо варам намекунанд, зеро шумо ба қадри кофӣ ғизо намедиҳед.

• Барои нигоҳ доштани шир аз ҳарду сина шир диҳед

• Агар лозим бошад, пеш аз маконидан каме ширро гӯед, то он зуд ба даҳони кӯдакатон нарезад.

• Агар кӯдак аз шири сина саркашӣ кунад, шири ҷӯшидашударо аз як қошуқ, пиёла ё сӯзандору диҳед.

• Кӯдаки худро маконед, то он даме, ки ӯ синамакиро бо эҳсоси қаноатмандӣ алоқаманд накунад.

• Аз шиша ва пистонакҳо худдорӣ намоед, агар лозим бошад, кӯдаки худро бо пиёла шир диҳед

• Синамаконӣ бояд дар танҳоӣ сурат гирад, то чизе парешон накунад

• Пеш аз маконидан бояд кӯдакро оғӯш гирифт.

• Кремҳои хушбӯй ё дезодорантҳоро истифода набаред.

Агар шумо мушкилоти рад кардани синаро мустақилона ҳал карда натавонед, дар маркази саломатии худ аз як ҳамшираи тиббӣ ё мушовирони синамаконӣ кӯмак пурсед. Агар шумо фикр кунед, ки ҳолати кӯдак бад, суст ё бемор аст, ӯро ба табиби оилавӣ ё педиатр нишон диҳед.