Boʻgʻilishning oldini qanday olish mumkin?
Yot jismni yutib yuborish natijasida boʻgʻilish koʻpincha bir yoshdan besh yoshgacha sodir boʻladi. Atrof-muhitni chuqur oʻrganish davrida, bolalar ogʻziga kichikroq narsalarni (oʻyinchoq qismlari, tugmalar va h.k.) solishi yoki ovqatlanayotganda ehtiyotsizlik, qattiq ovqat (yongʻoq) yoki yetarlicha maydalanmagan yumshoq ovqatlar (uzum, sosiska, kolbasa va boshqalar) boʻgʻilishning umumiy sabablari boʻlishi mumkin.
Body
Farzandingizni boʻgʻilishdan qanday himoya qilish kerak:
- Ovqatlanish yoki oʻyin paytida bolalar doim nazorat ostida boʻlishlari kerak.
- Toʻrt yoshgacha boʻlgan bolalarga ularning boʻgʻilishiga olib keladigan ovqat bermang. Oziq-ovqatning kichik va qattiq boʻlaklari – yongʻoq, popkorn va shimadigan konfetlar ayniqsa xavflidir.
- Bolalar dasturxon atrofida ovqatlanishini ragʻbatlantiring va ovqatlanish paytida yugurish yoki oʻynashiga yoʻl qoʻymang.
- Kichkintoylar uchun toʻplar va boshqa oʻyinchoqlar stol tennisi toʻpidan kattaroq boʻlishi kerak.
- Kichkintoylar mayda oʻyinchoqlar yoki ularning qismlari bilan oʻynashiga yoʻl qoʻymang, chunki ular bolaning tomogʻiga tiqilib qolishi va boʻgʻilishga olib kelishi mumkin.
- Katta yoshli bolalarni kichik qismlardan iborat oʻyinchoqlarni kichik ukasi yoki singlisining qoʻli yetmaydigan joyda saqlashga oʻrgating.
- Barcha plastik oʻramlarni yoki xaltalarni bolalar qoʻli yetmaydigan joyda va ayniqsa ular uxlaydigan joydan uzoqroqda saqlang.
- Har qanday singan oʻyinchoqlarni tashlab yuboring va yerda yoki qoʻl yetadigan past yuzalarda tugmalar, munchoqlar, tangalar, ignalar yoki toshlar kabi mayda narsalar yoʻqligiga ishonch hosil qiling.
- Bolalar kiyimidagi barcha bogʻichlarning iplarini olib tashlang.
- Bolalar uchun oʻyin maydonchasida oʻynashdan oldin, bolalarga velosiped dubulgʻalarini yoki zanjirlarini boʻynidan yechishni oʻrgating.
- Belanchak yoki karavotda yumshoq va ayniqsa tasmali yoki mayda qismlari boʻlgan tukli duxobadan qilingan oʻyinchoqlarni saqlamang.
- Bolani uxlaganida chalqancha holatda, oʻynaganida esa qorniga yotqizib qoʻying.
- Jalyuzilar va pardalarning tortish uchun iplarini yosh bolalar qoʻli yetmaydigan qilib qisqartiring va belanchakni deraza pardalaridan uzoqroqqa joylashtiring. ё
- Belanchak/karavotlar uchun kanop, pardalar yoki osilib turadigan bezaklardan foydalanmang va bolani chalqancha yotqizib uxlating.
- Belanchak/karavot buzilmagan boʻlishi kerak. Bolalar oʻz karavotlarida uxlashlari lozim.
- Chaqaloqlar va yosh bolalarning yotoqxonalariga hayvonlarni, ayniqsa mushuklarni kiritmang.
