Koʻp tovushlar

Kerak boʻladigan materiallar: har xil tovush chiqaradigan ikkita asbob. Shuningdek, turli bankalar va butilkalarning ichiga toshlar, urugʻlar yoki boshqa narsalarni solish orqali musiqa asboblari yasashingiz ham mumkin.

Birgalikda nima qilishingiz mumkin: tugʻilgandan boshlab chaqaloqlar yon-atrofidagi narsalarga juda qiziqadi. Ushbu oddiy mashgʻulot ularning qiziqishini uygʻotishi mumkin!

Boshlash uchun kichkintoyingizni yumshoq yuzaga, masalan, beshik yoki karavotga yotqizing. Endi chaqalogʻingizning oldiga oʻtiring va cholgʻu asbobi yoki tosh solingan butilkani tanlang, uni kichkintoyingiz oldida silkiting va bu narsaga qanday eʼtibor berayotganini kuzatib, bir daqiqa davom eting. Keyin boshqa shaqildoq, asbob yoki butilkani oling va harakatni takrorlang. Oxirida kichkintoyingiz oldida bir vaqtning oʻzida ikkala shaqildoqni silkiting. Doim tabassum qilishni, xotirjamlik saqlashni va chaqalogʻingizga shaqildoqlar chiqaradigan tovushlar haqida gapirishni unutmang.

Kichkintoyingiz nozik ekanini yodda tuting, tovushlar uni bezovta qilmasligi kerak. Agar sizda turli xil tovushli shaqildoqlar boʻlmasa, boshqa ovoz chiqaradigan oʻyinchoqlardan foydalanishingiz mumkin. Farzandingiz ikki xil tovushni diqqat bilan tinglashi muhim ahamiyatga ega.

Farzandingiz nimani oʻrganadi: bu mashgʻulot bolaning qiziqishini uygʻotishga yordam beradi, bu esa uning oʻrganish istagini kuchaytirish va diqqatni jamlash hamda eshitish orqali idrok etish qobiliyatini yaxshilash uchun zarurdir.