Natyurmort

Kerak boʻladigan materiallar: mevalar uchun vaza, qogʻoz, qalamlar.

Birgalikda nima qilishingiz mumkin: birinchi vazifangiz – oʻz kompozitsiyangizni sozlashdir. Odatda bu sanʼat turi shisha idishlar kabi kontrastli teksturalardagi gullar yoki oziq-ovqat, xususan, mevalarni oʻz ichiga oladi. Stol oʻrtasiga mevalar solingan vazani qoʻying. Agar siz mevalardan foydalanmasangiz, har xil tekstura, rangga ega va yorugʻlikni turlicha aks ettiruvchi gullar solingan vaza yoki 3–4 ta predmetni sinab koʻrishingiz mumkin. Bu predmetlardan hikoya aytib berish yoki biror gʻoyani koʻrsatish uchun foydalanish mumkin.

Qalam bilan stolingizdagi kompozitsiyaning dastlabki chizmalarini chizing. Chiziqlar va soyalardan foydalaning va yorugʻlik manbaini unutmang. Obyekt shakliga, ular bir-birining ustiga qanday tushishiga qarang va shaklni rasmingizda soddalashtirishga harakat qiling.

Bu yoʻriqnomalarda keng tarqalgan misol sifatida mevalar solingan vaza ishlatiladi, ammo siz istalgan narsangizni chizishingiz mumkin. Shuningdek, rasmingizni jonlantirish uchun  oʻzingiz xohlagan rassomlik materiallaridan foydalanishingiz mumkin: qalamlar – ranglardagi anvoyi turlarni, akvarel – ranglarni, pastel – tuzilishni oʻrgatadi. Bir xil rasmni turli materiallardan foydalanib chizib koʻring va ulardagi farqni taqqoslang.

Farzandingiz nimani oʻrganadi: natyurmort bu – odamlar yoki tabiat manzaralarini emas, balki jonsiz narsalarni chizish sanʼati. Bolalar oʻzlarining rasmlari uchun mukammal kompozitsiya yaratishni, shuningdek, uni sahifada jonlantirishni yaxshi koʻradi. Ular muhitdagi joylashuv, istiqbol, nisbatlar, tuslar va ranglarni oʻrganadi.