Nogiron bolalarning aka-uka va opa-singillari: ular oʻzlarini qanday his qilishadi?

Imkoniyati cheklangan aka-ukali boʻlishning afzalliklari

Nogironligi boʻlgan aka-uka farzandingiz uchun juda koʻp ijobiy natijalar beradi.

Aka-ukasi nogiron boʻlgan bolalar koʻpincha gʻamxoʻr va mehribon, sezgir va boshqalarning ehtiyojlariga javob beradigan, bagʻrikeng va rahmdil, yetuk, masʼuliyatli, mustaqil va hamdard boʻlishadi. Ular, shuningdek, oʻzlarining yaxshi sogʻligʻini odatdagidek qabul qilishlari dargumon.

Aka-uka va opa-singillar nogironlikni qanday his qilishlari va oʻylashlari mumkin?

Nogiron bolalarning aka-uka va opa-singillari, boshqalar kabi, oʻzini yaxshi his qilishi va unchalik yaxshi his qilmasliпi mumkin. Farzandingiz oilaviy ahvolingiz haqida turli his-tuygʻularga ega boʻlishi odatiy hol.

Baʼzida normal rivojlanayotgan bola sodir boʻlayotgan yaxshi narsalardan hayajonlanishi mumkin – masalan, nogiron ukasi gapira boshlaganida. Boshqa paytlar u nima boʻlayotganidan qaygʻu, gʻazab yoki xijolatda boʻlishi mumkin, deylik, nogiron ukasi oʻyinchoqni olib qoʻyganida yoki kasalxonaga yotqizilganida.

Quyida nogiron bolalarning aka-uka, opa-singillari boshdan kechiradigan turli xil his-tuygʻulardan baʼzilarini keltiramiz.

Magʻrurlik

Farzandingiz nogiron bolaning akasi yoki singlisi ekanidan faxrlanishi va ukasi yo opasi oʻyin maydonchasidagi zinapoyaga chiqishni oʻrganganidan zavqlanishi mumkin. Shuningdek, u nogironlikni tushunishidan faxrlanishi ham tabiiy.

Gʻazab, xafalik va hasad

Farzandingiz nogiron aka-ukasi, opa-singlisiga haddan tashqari eʼtibor qaratilyapti, deb oʻylashi ham mumkin. Masalan, akasi yoki singlisining terapiyaga borishiga hasad qiladi. Chunki bu ish sizning koʻp vaqtingizni oladi va u oʻzi xohlagan narsani qilishiga yoʻl qoʻymaydi deb oʻylaydi.

Farzandingiz oilaviy qoidalar va masʼuliyatni adolatsizlik deb his qilishi mumkin. Misol uchun, agar ukasining uydagi ishlari kamroq boʻlsa yoki umuman boʻlmasa, ukasining har qanday xulq-atvori kechirilsa, gʻazablanadi.

Uyat va aybdorlik

Farzandingiz akasining tashqi koʻrinishi, jamoat oldida qanday harakat qilishi va doʻstlari nima deb oʻylashidan uyalishi mumkin. Misol uchun, u: “Agar ular akamning boshi bilan urilganini koʻrsa, men bilan doʻst boʻlmaydi” kabi fikrlardan oʻzini aybdor his qilishi mumkin.

Farzandingiz opa-singlisi, aka-ukasi haqidagi savollarga javob berishdan tortinishi mumkin, ayniqsa, ular nogironlik nima ekanini va unga nima sabab boʻlganini tushunmasalar.

Gʻamginlik

Farzandingiz aka-ukasining qoʻlidan koʻp ish kelmasligi yoki ukasi bilan boshqa aka-ukalari kabi oʻyin oʻynay olmayotganidan xafa boʻlishi mumkin. Ehtimol, u shunchaki oilaviy hayot avvalgidek emasligi uchun tushkun kayfiyatdadir.

Qoʻrquv va tashvish

Farzandingizning rivojlanish bosqichiga qarab, oʻzi ham kasal boʻlib qolishi, ukasi yoki singlisining qanchalik betobligi haqida tashvishlanishi mumkin. Farzandingiz nogironlik nima ekanini, unga nima sabab boʻlgani yoki aka-ukasi nima uchun dori-darmonlar yoki yordamga muhtojligini tushunmasa, bu alohida muammo keltirib chiqaradi.

Agar nogiron bola qiyin va oldindan bilib boʻlmaydigan harakat qilsa, normal rivojlanayotgan farzandingiz xavotirga tushishi mumkin. U keyingi safar bunday xatti-harakat sodir boʻlishi yoki unga zarar yetishi mumkinligidan qoʻrqadi.

Farzandingiz kattaroq boʻlsa, akasi yoki opasining hayotida qanday rol oʻynashi haqida tashvishlanishi mumkin. Voyaga yetgach butun umrini akasi yoki singlisiga gʻamxoʻrlik bilan oʻtkazishni oʻylab vahimaga tushishi ham ehtimoldan xoli emas.

Farzandingiz kelajakda ukasi va oilasi bilan nimadir sodir boʻlishidan qoʻrqishi mumkin.

Yolgʻizlik hissi

Farzandingiz oʻzini yolgʻiz his qilishi mumkin, chunki hech kim nogiron aka-uka, opa-singilli boʻlish nimani anglatishini tushunmaydi. Opa-singil, aka-ukasiga qarashda vazifalari boʻlsa, u doʻstlariga yetarli vaqti yoʻqligini his qiladi yoki doʻstlarini taklif qilishni xohlamaydi, chunki ukasi yoki singlisi bilan boʻlishi kerak.

Stress

Farzandingiz koʻp sabablarga koʻra stressni boshdan kechirishi, misol uchun, sizning asabiylashayotganingizni his qilishi yoki yaxshi boʻlishga, muammo tugʻdirmaslikka juda koʻp harakat qilishi mumkin.

Farzandingiz kattaroq boʻlsa, sizga ortiqcha yuk boʻlishni istamasdan shaxsiy muammolariga yordamsiz yechim topish uchun oʻziga bosim qiladi.

Nogiron bolalarning aka-uka va opa-singillariga baʼzan gʻazab va tashvish, baʼzan esa quvonch va gʻururni his qilish mumkinligini aytib berish orqali ularni qoʻllab-quvvatlay olasiz. Bu his-tuygʻularning barchasi normal va tushunarli.

Nogironligi boʻlgan aka-uka, opa-singlisi haqidagi fikr va his-tuygʻularga taʼsir qiluvchi omillar

Koʻp narsa nogiron bolalarning aka-ukalarining fikrlashi, his qilishi va oʻzini tutishiga taʼsir qilishi mumkin. Ulardan baʼzilari sizning bolangizga xosdir, masalan, yoshi, shaxsiyati, temperamenti va tugʻilish tartibi. Farzandingiz bilan bogʻliq boʻlmagan boshqa narsalar ham uning his-tuygʻulariga taʼsir qilishi mumkin.

Yosh

Farzandingiz kattaroq boʻlsa, uning hozirgi holatini tushunishi va moslashishi osonroq boʻladi. Kichkina bola oʻzi haqida koʻproq tashvishlanishi mumkin. Misol uchun, u: “Men nogironligimni davolata olamanmi?”

Tugʻilish ketma-ketligi

Nogiron opa yoki aka boʻlgan oilada tugʻilgan bolalar, odatda, buni osonlikcha qabul qilishadi. Chunki boshqachasini hech qachon koʻrishmagan, lekin ularning fikr va his-tuygʻularini bilish hali ham muhimdir.

Nogironlik turi yoki darajasi

Aka-uka oʻz xohish-istaklari, ehtiyojlarini bildirmasa yoki qiyin xatti-harakatlarni namoyon qilsa, bu oiladagi boshqa bolalarni qiyin ahvolga solishi mumkin. Farzandingiz akasi yo singlisini tushuna olmasa, yoki ukasi uni tushunmasa, munosabatlarga taʼsir qiladi.

Tibbiy ehtiyojlar

Agar nogiron bola qoʻshimcha parvarish va xizmatlarga muhtoj boʻlsa, bu oilaviy tartib va ​​kundalik hayotga taʼsir qiladigan oʻzgarishlarni amalga oshirish kerakligini anglatishi mumkin. Misol uchun, bu sizning maktabga oʻz vaqtida borishingiz yoki birgalikda nima yoʻl tutishingiz mumkinligiga taʼsir qiladi.

Oila va ota-onalar hamjihatligi

Oilangiz nogiron farzand koʻrishga qanday moslashayotgani, jumladan, turmush oʻrtogʻingiz bilan munosabatingiz farzandlaringiz ahilligiga taʼsir qiladi.