Puflash

Kerak boʻladigan materiallar: talab qilinmaydi.

Birgalikda nima qilishingiz mumkin: chaqaloqlar atrof-muhit va oʻz tanasi haqida bilish uchun hissiy tajribaga ega boʻlishi kerak. Ushbu mashgʻulot bilan siz chaqalogʻingizga tananing turli qismlarini bilib olishga yordam berasiz.

Boshlanishida chaqaloqni ushlab turishingiz yoki yumshoq yuzaga yotqizishingiz va uning yoniga oʻtirishingiz kerak. Keyin qoʻllarining kaftlariga sekin puflang. Puflayotganingizda qoʻshiq ohangida quyidagi iborani takrorlang: “Mana, bolajonim  kaftlari”. Siz “chaqaloq” oʻrniga uning ismini aytishingiz mumkin. Puflagandan soʻng uning kichkina qoʻllari kaftlarini oʻpishingiz mumkin.

Chaqaloq tanasining turli qismlariga puflash, oʻqiyotgan iborangizdagi tana aʼzosi nomini oʻzgartirish orqali harakatni moslashtiring. Tananing nomi aytilgan har bir qismini oʻpishni unutmang.

Siz chaqaloqlarning qoʻllari, oyoqlari, tirsaklari, boʻyinlari, yonoqlari va oyoq barmoqlariga puflashingiz mumkin.

Farzandingiz juda nozik ekanini unutmang, shuning uchun muloyimlik bilan puflashingiz va tupurik sachratmasligingiz kerak.

Farzandingiz nimani oʻrganadi: ijobiy hissiy tajribalar va kattalar bilan ijtimoiy muloqot chaqaloqlarning kognitiv qobiliyatini, munosabatlarini va oʻzini oʻzi anglashini yaxshilaydi.