Quloqcham bilan eshitaman

Kerak boʻladigan materiallar: talab etilmaydi.

Birgalikda nima qilishingiz mumkin: birinchi ishtirokchi eshitgan biron-bir tovushi haqida oʻylaydi va oʻsha tovushni chiqaradigan jonzot yoki narsa nomining birinchi harfini aytadi. Masalan, siz qushning chugʻurlashini eshitayotgan boʻlsangiz: “Men kichkina qulogʻim bilan “Ch” harfidan boshlanadigan qandaydir tovush eshityapman”. Qolgan ishtirokchilar esa birinchi oʻyinchi nimani oʻylaganini topishlari kerak boʻladi, bu oddiy! Oʻylangan narsa topilgach, ishtirokchilar oʻrin almashadi.

Olimlarning fikricha, koʻk kitlar boshqa kitlarning kuylashini yuzlab mil masofadan turib ham eshitadi.

Farzandingiz nimani oʻrganadi: bu mashgʻulot “Men josusman” oʻyiniga oʻxshab ketadi, farqi shundaki, bu koʻrishga emas, balki eshitishga asoslangan! Bu bolalarning kuzatuvchanligini rivojlantirish uchun juda zoʻr mashgʻulot, lekin bundan ham yaxshisi – bolalar atrofdagi tovushlarni tinglash uchun jim oʻtirishadi!