Rangli sharflar

Kerak boʻladigan materiallar: yorqin rangli sharf, rangli yumshoq oʻyinchoq yoki rangli kiyim; yumshoq sirt yoki chaqaloq oʻrindigʻi.

Birgalikda nima qilishingiz mumkin: yaxshi vizual rivojlanishni taʼminlash uchun  koʻplab harakatlar qilishingiz mumkin. Ulardan biri obyektni koʻz bilan kuzatib borishdir.

Dastlab oʻyin va predmetlar uchun joy tayyorlashingiz kerak. Atrofda chalgʻituvchi narsalar yo‘qligiga ishonch hosil qiling.

Farzandingizni yostiqqa yotqizib qoʻying, shunda u sizga egilib turadi yoki uni chaqaloq oʻrindigʻiga oʻtqizishingiz mumkin. Yorqin rangli sharfni ushlab, chaqaloqning oldida oʻtirishingiz kerak.

Quvnoq ranglar haqida gapirganda, sharfni sekin harakatlantiring. Bolaning sharfga  qaraganini sezsangiz, uni bir tomondan narigi tomonga oʻtkazing. Siz chaqalogʻingiz sharfni koʻzlari bilan qanday kuzatib borishini koʻrasiz.

Bu oʻyinni tez-tez oʻynang, agar sizda yorqin rangli sharf boʻlmasa, rangli yumshoq oʻyinchoq yoki uyda bor boʻlgan rangli kiyimdan foydalanishingiz mumkin.

Agar chaqalogʻingizda charchoq yoki zerikish belgilarini sezsangiz, oʻyinni toʻxtatib, yangi mashgʻulotni boshlashingiz yoki dam olishga ruxsat berishingiz kerak.

Farzandingiz nimani oʻrganadi: koʻrish neyronlari hayotning birinchi oylarida shakllana boshlaydi. Kichkintoyning koʻrish qobiliyatini kuchaytiradigan mashgʻulotlar koʻz ravshanligini taʼminlaydi.