Sehrli quloqchalar

Kerak boʻladigan materiallar: tovushli musiqa asboblari / qoʻngʻiroqlar, musiqa, childirmalar.

Birgalikda nima qilishingiz mumkin: kichkintoyingizni tekis yuzaga yotqizing  va tovush chiqaradigan oʻyinchoqlar bilan birma-bir oʻynang. Farzandingizning oʻng tomonida (u koʻrmaydigan joyda) predmetlardan birini silkitib ovoz chiqaring. Bu bolangizni tovush eshitilgan tomonga burilishga undaydi.

Mashgʻulotni bir necha daqiqa davomida takrorlang va mashgʻulot paytida siz kichkintoyingizga ijobiy hissiyotlar ulashishingiz   mumkin. Shuningdek, ularning qoʻllaridan ushlab, qarsak chalishga yordam bersangiz ham boʻladi. Shunday qilib, kichkintoyingiz oʻz tanasi bilan chiqarilayotgan tovushni his qiladi va eshitadi.

Farzandingiz nimani oʻrganadi: bu mashgʻulotning maqsadi tovushlar orqali eshitish qobiliyatini rivojlantirishdir.