Toʻsiqlarni bosib oʻtish

Kerak boʻladigan materiallar: oʻyinchoqlar (mumkin qadar matodan tikilgani), yostiqlar va hokazo.

Birgalikda nima qilishingiz mumkin: ushbu oʻyinni boshlash uchun iloji boricha gilam toʻshalgan, emaklash qulay boʻlgan xonani tanlang. Xona boʻylab oʻyinchoq va yostiqlarini joylashtirib chiqing.

Kichkintoyingizni emaklash uchun qoʻyib yuboring. U toʻsiqlardan oʻta olish-olmasligini kuzating.

Bolajoningizni “Sen buni uddalaysan!” kabi gaplar bilan ragʻbatlantiring. Unga “Sen qobiliyatlisan, men senga ishonaman” deng, uni oʻpichlar bilan taqdirlang.

Mashgʻulotdan kichkintoyingiz bilan birga zavq oling.

Farzandingiz nimani oʻrganadi: bunday mashqlar kichkintoyingizning vizual idroki va mantiqiy fikrlashini rivojlantirishga yordam beradi. Bundan tashqari, bunday amaliyot kichkintoyingizga muammolarni hal qilishda yordam beradi, koʻrish qobiliyati va mushaklarini kuchaytiradi, bu esa uning tezroq harakatlanishiga imkon beradi.