Yosh bolalarning tishlarini parvarishlash
Farzandingizning tishlarini choʻtka va past ftorli pasta bilan kuniga ikki marta yuvish va shirin yeguliklar va ichimliklardan saqlanish kariyes paydo boʻlishining oldini olish imkonini beradi. Bolalar doim ogʻiz va tish gigiyenasiga rioya qilishi uchun ularga yordam va nazorat zarur. Farzandingizni stomatologga muntazam ravishda olib boring (yiliga 1–2 marta).
Body
Tishni parvarishlash
Choʻtka bilan tozalash
- Bolalar muntazam ravishda tishlarini yoshiga mos choʻtka va past ftorli pasta bilan yuvishi kerak.
- Tishlar kuniga ikki marta, ertalab va kechqurun tozalanadi. Kam miqdordagi, noʻxatdek kattalikdagi tish pastasidan foydalaning.
- Qachondir bolangiz oʻzi tishlarini yuvishni xohlab qoladi, bunga ruxsat bering va tishlarni toʻgʻri tozalashga koʻmaklashing. Boshida u orqadagi tishlarini yaxshilab yuvolmaydi va sizning yordamingizga muhtoj boʻladi.
- Unga tish tozalash ipidan qanday foydalanishni koʻrsating.
- Ovqat qoldiqlarini yuvib tashlash uchun bolangizga ovqatdan soʻng ogʻizni suv bilan chayishni oʻrgating.
Ovqatlanish
- Farzandingiz sogʻlom ovqatlanish odatlarini oʻzlashtirganiga ishonch hosil qiling.
- Unga shirin ichimliklar va shirin yeguliklarni taklif qilmang.
- U chanqaganida faqat suv ichsin. Yangi mevalardan tayyorlangan sharbatlarni faqat ovqatlanish paytida bering.
Stomatologga borish
- Muntazam ravishda stomatologga borish farzandingizning tishlarini sogʻlom saqlashga va shakllanishi mumkin boʻlgan kariyesni oʻz vaqtida aniqlashga yordam beradi.
Farzandingizni yiliga bir yoki ikki marta stomatolog koʻrigiga olib boring.
