Fëmija ka goditje nga dielli - çfarë duhet të bëjmë?

Goditja nga dielli mund të ndodhë nëse një fëmijë ka qenë aktiv dhe i ekspozuar ndaj diellit për disa kohë. Simptomat e para mund të shfaqen shpejt, por djegia e "vonuar"  nga dielli ndodh më shpesh, disa orë pas qëndrimit në diell - në mbrëmje para gjumit ose gjatë gjumit.

Largojeni fëmijën nga dielli

Fëmija duhet së pari të zhvendoset nga dielli, nëse është e mundur në një dhomë me ajër të kondicionuar, ose të paktën një dhomë të errët dhe të ventiluar mirë.

Bëjini dush fëmijës me ujë të vakët

Pastaj lëreni të thahet pa e fshirë.

Jepni fëmijës lëngje të mjaftueshme 

Një fëmijë që ka pësuar goditje nga dielli e ka shumë të nevojshme një pije të ftohtë (çaj, lëng ose ujë i thjeshtë). Lëngu nuk duhet të jepet në sasi të mëdha në të njëjtën kohë, por në sasi të vogla dhe shpesh, veçanërisht nëse fëmija ka vjellë. Edhe gjatë pirjes së “pjesës” së parë të ujit, ai/ajo duhet të zhvishet dhe të freskohet.

Jepini fëmijës barna

Nëse temperatura e trupit është ende e lartë, fëmijës duhet t'i jepni ilaçe për uljen e temperaturës (antipiretik). Është mirë të vendosni një suposto (paracetamol) në rektum, sepse efekti është më i shpejtë dhe mundësia e të vjellave shmanget. Natyrisht, nuk është e gabuar ti japësh ilaçin në formën e një shurupi (ibuprofen ose paracetamol). Barnat duhet të jepen në përputhje me moshën e fëmijës, duke ndjekur udhëzimet e prodhuesit në detaje. Nëse fëmija nuk i ka marrë këto ilaçe më parë, sigurohuni që të konsultoheni me pediatrin tuaj për shkak të një reaksioni të mundshëm alergjik.  

Fëmija ka nevojë për pushim

Për orët e ardhshme, fëmija duhet të pushojë, në mënyrë ideale të fle. Disa prindër kanë frikë ta lënë fëmijën e tyre të fle kur ai/ajo ka pësuar goditje nga dielli. Kjo frikë është e pajustifikuar, sepse ai/ajo me të vërtetë ka nevojë për pushim, dhe gjumi është mënyra më e mirë. Natyrisht, gjatë gjumit, temperatura e trupit duhet të kontrollohet, dhe në rast të rritjes së saj, ilaçi për uljen e temperaturës së trupit duhet të administrohet përsëri. Barnat mund të administrohen vetëm pas katër orësh nga doza e mëparshme, nëse i keni dhënë fëmijës një shurup ose suposto paracetamoli. Dhe nëse ka kaluar më pak kohë, përsëritni dushin me ujë të vakët. Banjo dielli një ditë pas goditjes  nga dielli, duhet të anashkalohet.

Kur duhet të shkoni tek mjeku?

  • Nëse temperatura e trupit nuk bie, pavarësisht ftohjes dhe medikamenteve
  • Nëse fëmija humbet vetëdijen dhe nuk shërohet shpejt pasi vendoset në  pozicion të shtrirë
  • Nëse ai/ajo vjell vazhdimisht dhe bëhet gjithnjë e më i/e dobët