Zhvillimi i lidhjes së fortë emocionale me foshnjën (mosha 9-12 muaj)

Në këtë moshë, foshnja tashmë është shumë e aftë në lëvizjen, arritjen dhe kapjen e objekteve rreth tij/saj. Ai/ajo ka sjellje të qarta përmes të cilave eksploron objekte - ai/ajo i kthen ato, i përplas në dysheme, i hedh, i vë në gojën e tij/saj, i përplas me njëri-tjetrin, i rreshton, i grupon, i hedh në një enë dhe i nxjerr jashtë.

Secili prej eksplorimeve i sjell foshnjës një mori zbulimesh, përvojash, njohurish dhe ndjenjash të reja. Megjithatë, kjo sasi e re, shpesh mund të jetë kërkuese dhe frikësuese për foshnjën. Foshnja mund të ketë nevojë të qetësohet kur është shumë i/e emocionuar, të pushoj nga aktiviteti, ose ti ndryshohet aktivitetin - aftësi të cilat foshnja ende nuk i zotëron. Prandaj, është shumë e rëndësishme që të ketë ndërveprime të buta dhe të ngrohta me ju, që e inkurajojnë atë të eksplorojë më tej, por edhe ta ndihmojë atë të kuptojë se çfarë ka për rreth, të qetësohet dhe të pushojë. Mes gjithë eksplorimit dhe mësimit, lidhja me ju është ende gjëja më e rëndësishme për foshnjën. Foshnja do të dëshirojë që eksplorimi të ndodhë me ju dhe pranë jush - për t'ju treguar se çfarë po bën dhe për të parë se interesat e tij/saj janë të rëndësishme edhe për ju, dhe se ju dëshironi të jeni pjesë e tyre.

Ja si mund të forconi lidhjen emocionale me foshnjën në këtë moshë:

përgjigjuni dhe emërtoni shprehjet e fytyrës së foshnjës ose mënyrat në të cilat shfaq ndjenjat. Për shembull: “Oh, a nuk është ajo rraketake shumë e zhurmshme?”, ose "Shiko sa i butë është ky arushë pelushi!". Kjo ndihmon foshnjën të dallojë dhe kuptojë se çfarë ndjen dhe përjeton. Empatia dhe të kuptuarit e botës nga këndvështrimi i foshnjës forcon lidhjen mes jush;
dalloni gjërat që i interesojnë dhe përpiqet t’i bëjë foshnja, si dhe përfshihuni në to. Gjithmonë emërtoni - shpjegoni me fjalë se çfarë po bën foshnja. Për shembull, nëse i intereson një libër, mund të thoni: “Është një libër. A doni që ne ta lexojmë një libër?” Për shembull, nëse ai/ajo tregon një libër, ju mund të thoni: "Është një libër. A doni që ta lexojmë librin?"
lejojeni foshnjën të luajë pranë jush. Sigurohuni që lodrat, librat dhe gjërat e tjera me të cilat fëmija luan të jenë të arritshme për të - vendosini ato poshtë në rafte ose në kuti nga të cilat fëmija mund t’i marrë - në dhomën e ndenjes ose kuzhinë.