Sasia e qumështit të nevojshëm

Foshnja po merr mjaftueshëm qumësht, kur ai/ajo:

• thith të paktën 8-12 herë në ditë;
• thith ritmikisht me pauza të shkurtra, lëvizjet e mjekrës mund të shihen, gëlltitja mund të dëgjohet;
• lag pelenat e tij/saj 6 ose më shumë herë në 24 orë me urinë të zbehtë dhe të holluar;
• zakonisht ka 3-6 të dala jashtë në 24 orë;
• fiton një mesatare prej 150-240 g në javë për 4 muajt e parë;
• është aktive, i/e gjallëruar midis dy vakteve.

Foshnja juaj mund të mos i plotësojë nevojat e tij/saj për qumësht nëse ai/ajo:

• fle në intervale të gjata për të ruajtur energjinë (më shumë se 4 orë);
• qan me zë të dobët,
• ka një numër të vogël jashëqitjesh të pakta, të thata ose asnjë të tillë,
• thith shumë shpesh;
• nuk po shton mjaftueshëm në peshë;
• Urinon shumë pak - më pak se 6 pelena të lagura, pelenat nuk janë të rënda, urina është e përqendruar, me një ngjyrë tulle si pasojë e kripërave urate.

Humbja fiziologjike e peshës

Në ditët e para pas lindjes, është normale që një i sapolindur të humbasë peshë. Kjo është për shkak të jashtëqitjes së parë /mekoniumit dhe lëngjeve të tepërta të lira. Sasia e ujit të lirë është më e lartë nëse nëna merr një perfuzion IV gjatë lindjes ose për shkak të një operacioni cezarian; këto foshnja mund të pësojnë një humbje më të madhe në peshë në 24 orët e para. Stomaku i një të sapolinduri është i vogël sa madhësia e qershisë, në ditët e para.

E gjithë kjo çon në humbjen e 7% të peshës së lindjes, mesatarisht. Humbja maksimale e peshës fiziologjike është 10%. Nëse fëmija ka humbur 10% ose më shumë, është e nevojshme të kontrollohet teknika e ushqyerjes me gji, nëse ai/ajo thith në mënyrë aktive, nëse ai/ajo ka një problem shëndetësor dhe vetëm nëse të gjitha këto shkaqe përjashtohen dhe fëmija nuk fillon të fitojë peshë, dhënia e shtesave duhet të konsiderohet. Nëse foshnja juaj ka pasur një humbje më të madhe të peshës në ditët e para, është e këshillueshme të qëndroni në maternitet për disa ditë të tjera për të marrë ndihmën e nevojshme dhe mbështetjen për ushqyerjen me gji; pas daljes nga materniteti, është e nevojshme të monitorohet më tej fëmija dhe të kontrollohet pesha pas 5 deri në 7 ditë.

Shtimi në peshë

• Kur laktacioni është vendosur dhe ushqyerja me gji fillon mirë, fëmija fillon të shtojë mesatarisht 25 deri në 30 gramë në ditë. Kthimi në peshën e lindjes pritet midis ditës së 10-të dhe të 15-të të jetës.
• Norma e shtimit në peshë fillon nga minimumi prej 600 g shtesë në muaj. Sigurisht, disa fëmijë shtojnë shumë më tepër peshë; nëse foshnja thith vetëm gji, nuk duhet të shqetësoheni nëse shton në peshë më shumë.
• Nëse foshnja ka shtuar midis 400 dhe 600 g, nevojitet monitorim shtesë, dhe përparimi i ushqyerjes me gji duhet të kontrollohet pas 7 ditëve; me korrigjimin e ushqyerjes me gji, pritet një shtim në peshë prej të paktën 180 g brenda një jave.

Pengesa që mund t'i kapërcesh

Sfidat e ushqyerjes me gji ndodhin kryesisht në fillim. Mbaj gjithmonë në mendje:

• Ju mund të mos e ushqeni foshnjën tuaj aq shpesh sa duhet (fillimisht, shpeshtësia duhet të jetë  10 deri në 12 herë në 24 orë), ju mund të keni ndaluar shumë herët të jepni gji gjatë natës, ju nuk i kushtoni kohë të mjaftueshme ushqyerjes me gji.
• Shishet dhe biberonat e ngatërrojnë fëmijën, kështu që përdorimi i tyre nuk rekomandohet gjatë muajit të parë ose të dytë.
• Përdorimi i panevojshëm i mburojave prej silikoni të thithkave dhe ushqyerja e gabuar me gji gjithashtu ndërhyjnë në vendosjen optimale të laktacionit.                    
• Muajt e parë të prindërimit shoqërohen nga pasiguria, lodhja e madhe, dieta e papërshtatshme.

Pastaj vijnë tundimet: nëse jeni të paduruara dhe nuk keni mjaft vetëbesim, do të futni formulën dhe do të jeni një hap më afër humbjes së dëshirës fillestare për të ushqyer vetëm me gji dhe mund të dorëzoheni!  Shishja mund të komprometojë prodhimin e qumështit deri në atë masë sa ta ndalojë plotësisht. Në këtë rast, nuk është kaq e lehtë t'i rikthehesh ushqyerjes vetëm me gji.

Mundohuni të siguroni që të flini mjaftueshëm, të pushoni dhe të relaksoheni. Sugjeroju miqve dhe familjes që të të ndihmojnë duke u kujdesur një ose dy orë për foshnjen, në vend të dhuratave për të, në mënyrë që të shkosh për një shëtitje, kafe ose tek parukierja. 

Mos lejo askënd të të bindë se formula është po aq e mirë për foshnjën tënde sa qumështi yt!!

Nëse keni dilema apo dyshime rreth ushqyerjes me gji, kontaktoni me infermieren/maminë apo mjeken e konsultorit të fëmijës ose qendrës shëndetësore që mbulon zonën tuaj, të cilat do t'ju ofrojnë ndihmë dhe këshilla profesionale, dhe do t'ju ndihmojnë të qetësoheni. Gjithashtu përdorni këshillat që gjenden në këtë aplikacion për të marrë më shumë informacion rreth ushqyerjes me gji.