Апёкі ў дзяцей і як іх прадухіліць — асаблівыя сітуацыі
Асаблівыя меры засцярогі падчас гатавання ежы:
Падчас гатавання ежы заўсёды знаходзьцеся побач з плітой/духоўкай і ніколі не пакідайце ежу, якая гатуецца, без нагляду! Ручкі каструль, чайнікаў, патэльняў, кафейнікаў заўсёды павінны быць павернутыя да сцяны, калі яны знаходзяцца на пліце, каб дзіця не магло да іх дастаць. Што яшчэ можна зрабіць:
- Звярніце ўвагу, як дзеці старэйшага ўзросту абыходзяцца з плітой, мікрахвалевай печчу і іншымі награвальнымі прыборамі, і, калі неабходна, абмяжуйце іх выкарыстанне.
- Па магчымасці гатуйце ежу на дальняй канфорцы.
- Маленькія дзеці не павінны знаходзіцца каля пліты ці на кухні!
- Ніколі адначасова не насіце дзіця і посуд з гарачай вадкасцю ці ежай!
- Ніколі не пакідайце гарачую ежу і вадкасці без нагляду побач з дзецьмі!
- Ніколі не стаўце гарачую ежу на стол з абрусам, за які дзіця можа пацягнуць!
- Не пакідайце маленькае дзіця без нагляду ў пакоі, у якім нешта гатуецца ці ёсць адкрытая крыніца цяпла (напрыклад, уключаны прас)!
- Навучыце дзяцей больш старэйшага ўзросту правільна абыходзіцца з награвальнымі прыборамі і, калі неабходна, абмяжоўвайце іх выкарыстанне.
Асаблівыя меры засцярогі пры купанні:
- Перад тым, як купаць дзяцей, праверце тэмпературу вады!
- Абмяжуйце максімальную тэмпературу вады ў вашым воданагравальніку — устанавіце максімум тэрмастата на 60 °C.
- Калі вы купаеце дзіця, заўсёды спачатку ўключайце халодную, а затым гарачую ваду.
- Перад тым, як змясціць дзіця ў ванну, абавязкова праверце тэмпературу вады і ніколі не пакідайце дзіця ў ванне без нагляду!
Піратэхніка не для дзяцей!
Не дазваляйце дзецям без нагляду гуляць з бенгальскімі агнямі, а таксама самастойна выкарыстоўваць петарды і феерверкі!
Забяспечце бяспеку дзіцяці на сонцы!
Абараніце сваё дзіця, імкнучыся не знаходзіцца на сонцы ў прамежку з 10:00 да 17:00. Выкарыстоўвайце галаўныя ўборы (панамку або шыракаполы капялюш), светлае адзенне, сонцаахоўныя акуляры са 100 %-й абаронай ад ультрафіялетавых прамянёў тыпу A (UVA) і B (UVB), а таксама водаўстойлівыя сонцаахоўныя крэмы з высокім фактарам абароны ад сонца (SPF 30 або 50), якія прызначаны для дзіцячай скуры (карыстайцеся імі ў адпаведнасці з інструкцыямі вытворцы).
