Курэнне шкоднае для здароўя

Тытунёвы «кактэйль» змяшчае некалькі тысяч хімічных рэчываў! Сотні з іх вельмі таксічныя для чалавечага арганізма, пры гэтым не менш чым 70 розных рэчываў адносяцца да катэгорыі канцэрагенаў.

У прыватнасці, асабліва выдзяляюцца ТРЫ РЭЧЫВЫ:

Нікацін — яго ўздзеянне на мозг пачынаецца ўсяго праз некалькі секунд пасля трапляння ў арганізм. Гэта прыводзіць да павышэння артэрыяльнага ціску і пачашчэння пульсу. Таксама нікацін «вінаваты» ў развіцці моцнай залежнасці ад тытуню!

Вокіс вугляроду — замяняе кісларод пры транспарце рэчываў праз крываток і такім чынам змяншае колькасць кіслароду, неабходнага для нармальнага функцыянавання нашых тканак і органаў.

Смала — звужае невялікія дыхальныя шляхі ў лёгкіх і яшчэ больш абцяжарвае забеспячэнне арганізма кіслародам. Акрамя таго, яна назапашваецца ў бранхіёлах і з часам выклікае «кашаль курыльшчыка», спрыяе развіццю многіх інфекцый лёгкіх.

Улічваючы ўсё вышэйсказанае, нядзіўна, што курэнне з’яўляецца асноўнай прычынай наступных захворванняў:

• рак лёгкіх;
• ішэмічная хвароба сэрца;
• хранічная абструктыўная хвароба лёгкіх.

Акрамя таго, курэнне спрыяе ўзнікненню:

• атэрасклерозу;
• цэрэбраваскулярных захворванняў, уключаючы інсульт;
• больш чым 20 тыпаў і падтыпаў злаякасных захворванняў (ротавай поласці, гартані, стрававода, страўніка, мачавога пузыра, шыйкі маткі);
• вострых рэспіраторных захворванняў;
• астмы (а таксама яе абвастрэння!).

Курэнне таксама ўплывае на рэпрадуктыўны патэнцыял, а менавіта прыводзіць да праблем з зачаццем.

Штогод больш за 8 мільёнаў чалавек паміраюць ад наступстваў курэння.