Грижа за градите пред и по доење

Бебето најмногу го сака природниот мирис на мајката; тоа му помага да ја најде брадавицата полесно и да цица поактивно. За време на периодот на лактација, не се препорачува да се користат шампони и пени за тело со интензивен мирис, особено во пределот на градите.

Хигиената на градите се одржува на ист начин како и хигиената на целото тело, со туширање еднаш дневно со неутрален сапун. Градите, особено брадавиците, не треба да се мијат пред доењето. Измијте ги рацете темелно со топла вода и сапун пред доење, притиснете неколку капки млеко од градите и нанесете го на брадавиците и околу, така што бебето може да го помириса и да го вкуси млекото.

Ако се појават проблеми пред доењето, ако градите се тешки, отечени и полни со млеко, се препорачува комбинација на топли облоги и масажа на градите пред доење или испумпување, со цел да се му се олесни бебето да ја земе правилно брадавицата. Ако градите останат полни дури и по доењето, неопходно е млекото да се испумпа. По доењето, притиснете неколку капки млеко и повторно нанесете го на брадавиците и околината и оставете го да се исуши. Нанесете ладни облоги по доење/измолзување (околу 15 минути), облогата ќе ја намали болката и протокот на млеко. Ако кожата на брадавицата е оштетена за време на доењето, ако оштетената површина крвари, поштедете ја таа града од доење 1-2 дена. Во ова време, редовно празнете ја градата со рачно измолзување на секои 2-3 часа. Давајте млеко со лажичка, чаша или шприц. Можете исто така да нанесете хипоалергенски модифициран ланолин на брадавиците. Понекогаш можат да помогнат и силиконски штитови за брадавици.

Доењето не треба да боли.