Можни несакани ефекти од вакцината против Streptococcus pneumoniae

Вашето дете примило конјугатна вакцина која содржи полисахариден комплекс од неколку серотипови (10-Synflorix или 13-Prevenar) на бактериите Streptococcus pneumoniae, комбинирани со носач на протеини со цел да се заштитат од тешки и инвазивни инфекции на Streptococcus pneumoniae.

За време на давањето на оваа вакцина, може да се појават несакани ефекти:

болка, црвенило и оток на местото на инјектирање
треска со температура 38 C и повисока
поспаност
раздразливост
намален апетит
главоболка
малаксаност и дијареја
осип на кожата

Овие реакции се лесни и се повлекуваат спонтано

Сугестии

Доколку се појават споменатите локални реакции, ставете облоги со ладна вода. Во случај на болка или треска, можете да дадете сируп парацетамол во доза од 10-15 mg на kg телесна тежина. Не се препорачува да се даде сируп парацетамол пред вакцинацијата.

Ако се појави каква било друга реакција, која не е наведена погоре, консултирајте се со педијатар.

Посилни алергиски реакции во форма на: груб осип придружен со чешање (како од допир со коприва), отекување на лицето и вратот, отежнато дишење, пад на крвниот притисок и несвестица, се исклучително ретки и обично се јавуваат додека детето е во детска клиника и бараат итна медицинска интервенција.