APGAR резултат - проценка на состојбата на новороденото веднаш после раѓањето

APGAR скорот е метод за проценка на состојбата на новороденото веднаш после раѓањето, така што новороденото ќе добие соодветна помош, доколку е потребно. Нискиот резултат во првите минути обично не значи дека детето ќе има некои проблеми во развојот, а високиот резултат не е сам по себе гаранција за очекуваниот психомоторен развој.

Што претставува APGAR скор и како се одредува

Во 1952 година, анестезиологот др. Вирџинија Апгар објави брз и детален метод за проценка на виталноста на новороденото веднаш по раѓањето, со цел да го насочи вниманието на персоналот од родилната сала не само на родилката , туку и на новороденото.

APGAR скорот претставува број / скор кој се пресметува со проценка на пет клинички знаци кај новороденчето: срцев ритам, респираторни движења, рефлексни реакции (реакција на бебето на катетер во носот), тонус на мускулите и боја на кожата.

Секој параметар/клинички знак може да се оцени со 0, 1 или 2, така што вкупниоот резултат /АPGAR скор претставува збир од сите 5 параметри и може да биде 0-10. Првиот резултат од АPGAR скорот се одредува 60 секунди, а вториот 5 минути после раѓањето на новороденото. Вредностите од 8-10 покажуваат дека новороденчето е во одлична состојба и му треба само рутинска нега во родилната сала. Вредностите од 5-7 покажуваат дека бебето е малку „уморно“, додека вредностите од 0-4 значат дека на новороденчето му треба итна помош. Ако, и покрај преземените мерки за реанимација, резултатот останува низок, односно бебето не се опорави, резултатот повторно се одредува по 10, 15 и 20 минути, паралелно со примената на потребните процедури за реанимација.

APGAR скорот во 1-та минута претставува показател за персоналот што присуствува на раѓањето да процени дали на детето му требаат некои дополнителни мерки за поддршка. APGAR скорот во 5-та минута служи за проценка на закрепнувањето и реакцијата на детето на преземените мерки за реанимација и нема големо прогностичко значење. Пролонгираниот низок резултат има прогностичко значење.

За да се разбере важноста на „проценката на сосотојбата на новороденото веднаш после раѓањето“, потребно е да се знае:

APGAR скорот е субјективен метод.
Не е целосно прилагоден за предвремено родени бебиња
Депресијата кај новороденчињата предизвикана од лекови што ги примала мајката за време на породувањето исто така може да влијае на неговите вредности (лекови против болки, анестетици, седативи).
Иако многу новородени добиваат „совршена десетка“, само малку за заслужуваат во 10-та, во 5-та минута, а особено во 1-та минута.
Резултатот од 8 или 9 е одличен и има иста вредност како и десет.
APGAR скорот во 5-та, 10-та и 30-та минута е подобар показател за адаптацијата на новороденото во надворешната средина и има подобра прогностичка вредност. Нискиот резултат е сигнал за педијатарот поинтензивно да го следи психомоторниот развој на бебето.

Постојат многу фактори кои влијаат на развојот на детето во мајчината утроба и нема резултат или метод што веднаш по раѓањето може даја процени состојбата на детето и сите негови потенцијали за развој.