Полио

Во 1988 година, Светската здравствена организација започна иницијатива за искоренување на полиомиелитисот. Сепак, во 2019 година, сè уште имало пријавени случаи на оваа болест во светот.

Луѓето се единствениот природен резервоар за полиовирус. Ширењето е преку контакт со измет и/или респираторни секрети. Времето кое поминува од влегувањето на вирусот во телото до развојот на симптомите се движи од 3 до 21 дена.

Лицето со вирусот може да биде заразно 7 до 10 дена пред почетокот на првите симптоми на болеста, но вирусот може да се излачува во столицата три до шест недели од почетокот на болеста.

Симптоми и знаци на болеста

Повеќето заразени деца воопшто немаат симптоми или имаат благи симптоми како што се треска, замор, главоболка и болки во мускулите. Овие симптоми слични на грип обично траат една недела. Едно од 100 заразени деца има вкочанетост на вратот и повраќање како знаци на менингит, а кај едно дете од 200 инфицирани се случуваат нервни оштетувања и неповратна парализа на мускулите на долните екстремитети. Бидејќи парализата може да влијае на респираторните мускули, 2% до 5% од децата со парализа деца умираат, а кај возрасните, овој број е поголем и се движи од 15% до 30%.

За луѓето кои страдале од полио, по 15 до 40 години може да се појават нови болки и парализа, што се нарекува пост-полио синдром.

Третман на полио

Не постои лек за полио. Симптомите слични на грип обично исчезнуваат сами. Во случај на непријатност и болка во мускулите, се препорачува употреба на парацетамол. Детето треба да се охрабри да пие повеќе течности и доволно да одмараи спие. На некои деца кои страдаат од паралитична форма на болеста ќе им треба физички третман, додека на некои ќе им треба помош при хранење и дишење.

Спречување на полио

Дури и ако нема пријавени случаи на детска парализа во некоја земја, вирусот може да се увезе од други земји каде што опстојува полиомиелитот. Затоа е важно да го заштитите вашето дете од оваа болест со имунизација. Постојат два вида на полио вакцини:

1. Деактивирана полио вакцина (IPV): Содржи убиени полио вируси и се дава со инјекција. Оваа вакцина обично се администрира во комбинација со други вакцини.
2. Орална полио вакцина (OPV) е ослабен жив полио вирус и се дава со капки во устата.

Некои земји користат само деактивирани вакцини. Други земји користат и жива вакцина.

СЗО препорача да се престане со користење на жива полио вакцина во текот на следните неколку години и да се продолжи со давање само со деактивирана вакцина.

Прва доза на на IPV се дава на 6-8 недели, со уште две дози во интервали 4-8 недели.

Една од важните заштитни мерки редовно миење на рацете, за да се спречи пренос со “валкани раце”.