Këndimi në një gjuhë të dytë: aktivitet për fëmijët 0-6 vjeç

Këndimi në një gjuhë të dytë: pse është mirë për fëmijët

Të qenit dygjuhësh-të kuptuarit dhe të folurit e dy gjuhëve- është në dobi të zhvillimit të fëmijëve. Këndimi është një mënyrë argëtuese për ta ndihmuar fëmijën tuaj t’i mësojë dhe t’i mbajë mend fjalët dhe strukturën e fjalive në një gjuhë të dytë.

Kur fëmija juaj këndon këngë me fjalë ose refrene të përsëritura, ai/ajo merr shumë praktikë me fjalë të reja dhe struktura fjalish. Kjo e ndihmon fëmijën tuaj t[i mbajë mend këto fjalë të reja.

Këngët me rëndësi kulturore ose personale - për shembull, këngët e transmetuara në familjen tuaj - mund të kenë kuptim shtesë për fëmijën tuaj.

Çfarë ju nevojitet për të kënduar me fëmijën tuaj në një gjuhë të dytë

Zgjidhni një këngë të thjeshtë në gjuhën tuaj të dytë për ta kënduar me fëmijën tuaj.

Nëse nuk dini ndonjë këngë të mirë, mund të kërkoni CD dhe DVD në bibliotekën tuaj publike, ose ta kërkoni në internet.

Si të këndoni me fëmijën tuaj në një gjuhë të dytë

Këtu janë dhënë disa ide për t’ju bërë të këndoni me fëmijën tuaj:

• Zgjidhni këngë me lëvizjet e duarve, ose krijoni disa lëvizje. Lëvizjet e duarve e ndihmojnë fëmijën tuaj ta kujtojë se çfarë do të thotë kënga, edhe nëse ai/ajo nuk i kupton të gjitha fjalët.
• Këndojani këngën fëmijës tuaj. Mos u e keni dert se si tingëllon ajo. Fëmija juaj do ta dojë tingullin e zërit tuaj, edhe nëse nuk e dini mirë melodinë.
• Zgjidhni këngët që fëmija juaj tashmë i di në gjuhën e tij të parë, si “Gëzuar ditëlindjen”.
• Vendosni shumë shprehje në zërin dhe fytyrën tuaj derisa këndoni.
• Lavdëroni fëmijën tuaj kur ai/ajo i këndon fjalët ose kopjon veprimet me ju. Fëmija juaj mund t’i kujtojë vetëm një ose dy fjalë për të filluar.
• Shpjegoni se për çfarë bëhet fjalë në këngë. Nuk keni pse të përktheni çdo fjalë.
• Mundohuni t’i përdorni disa nga fjalët dhe frazat e këngëve në bisedën e përditshme me fëmijën tuaj. Mund të jetë argëtuese të këndosh pjesë të këngës nëse mund t’i përshtatësh ato me atë që e thoni.

Këndimi në një gjuhë të dytë: përshtatja për fëmijë të moshave të ndryshme

Ju mund t’i këndoni këngë në gjuhë të ndryshme foshnjës tuaj sapo të ketë lindur apo edhe më parë. Ju nuk duhet të prisni derisa ai/ajo të fillojë të flasë ose derisa të flasë rrjedhshëm një gjuhë. Fëmijët mund të mësojnë dy ose më shumë gjuhë në të njëjtën kohë.

Një këngë tërheqëse pop mund të jetë mënyrë e mirë që fëmija juaj më i madh ta mësojë një gjuhë. Fëmija juaj mund ta njohë vetëm një ose dy fjalë ose fraza, por nëse i pëlqen aq shumë do të vazhdojë të dëgjojë derisa të kuptojë më shumë. Ju mund të dëshironi t’i kontrolloni tekstet për t’u siguruar që përmbajtja është e përshtatshme.