Kontrolli rutinor shëndetësor: në 3.5-4 muaj

Fëmija juaj ka përparuar shumë shpejt dhe ka arritur një gjendje në të cilën ai mund të kontrollojë lëvizjet e pjesëve të caktuara të trupit të tij, ai po mëson intensivisht për veten dhe njerëzit përreth tij. Atij sigurisht i pëlqen të luan me ju dhe duart e tij. 

Përgatitja për vizitën

• Shkruani gjëra të rëndësishme që keni vërejtur tek fëmija juaj në ndërkohë, siç janë: të qeshurit ose edhe të nënqeshurit kur flisni me të; kapja e lodrës që ia keni vendosur në duar; monitorimi i lëvizjes tuaj nëpër dhomë, etj. Nëse keni pyetje ose dilema, shtojini ato në listë. 

  Përmbajtja e kontrollit rutinor shëndetësor

• Monitorimi i rritjes: pesha e trupit, gjatësia e trupit dhe perimetri i kokës janë parametra të rëndësishëm të rritjes së një fëmije dhe ndihmojnë në vlerësimin nëse një fëmijë përparon me ritmin e pritur. 
   
• Intervistë njoftuese dhe këshillim: Të ushqyerit është një nga temat kryesore gjatë bisedës me mjekun ose infermieren. Ata do t'ju pyesin se si po e ushqeni fëmijën tuaj, nëse fëmija duket i kënaqur dhe i ngopur pas vaktit. Sa shpesh zgjoheni natën? Nëse fëmija nuk ushqehet me gji, çfarë qumështi përdorni. 

• Ata do t'ju pyesin nëse keni vazhduar t'i jepni 400 IU të vitaminës D3. Gjithashtu, gjatë kësaj vizite mund të rekomandohen suplementet e hekurit

• Mënyra e shëndetshme e jetës: Ekipi do të flasë me ju në lidhje me parandalimin e ekspozimit ndaj tymit të duhanit, parandalimin e ekspozimit të hershëm ndaj mediave, mos vendosjen e fëmijës në shtrat me shishe, veçanërisht shishe që përmban formulë ose pije të ëmbël, ekspozimin e sigurt në rrezet e diellit dhe si të transportoni fëmijën tuaj në mënyrë të sigurt në automjet.  

• Mënyra e përballimit nga familja: Mund të diskutoni çështje të tilla si mënyra e përballimit me xhelozinë e vëllait ose motrës dhe çështjet e kthimit në punë. 

Ekzaminimi mjekësor dhe vlerësimi i zhvillimit 

• Mjeku do të kryejë kontrollin e fëmijës sipas rregullit tashmë të krijuar. 
   
• Ai do t'i kushtojë vëmendje nëse fëmija e ka kontrollin e kokës dhe si po e mban trupin e tij në pozicione të caktuara. Mjeku ose infermierja do të përpiqen të vlerësojnë nëse fëmija përdor të dyja duart në mënyrë të barabartë dhe nëse mund të kapë lodrat; do të vëzhgojë shprehjet e fytyrës, lëvizjet e trupit, si reagon ai ndaj lëvizjes tuaj nëpër dhomë dhe ndaj tingujve të ndryshëm të papritur. Ata do t'ju pyesin nëse fëmija lëshon tinguj. 
• Përgatituni të merrni pjesë aktive në bisedë dhe të kërkoni sqarime për ndonjë dyshim ose përgjigje të pyetjeve që ju shqetësojnë. 

Vaksinimi 

• Mjeku/infermierja juaj do të kontrollojë nëse fëmija juaj ka marrë vaksinat e parapara deri më tani, sipas planit aktual të imunizimit  
• Ata do t'ju pyesin se si reaguan ndaj vaksinave që morën gjatë vizitës së fundit. 
   
• Nëse gjendja shëndetësore e fëmijës është normale dhe ka reaguar ndaj dozës së fundit të vaksinës në mënyrën e pritur, ai do të marrë dy vaksina edhe këtë herë. Ai do të marrë një dozë tjetër të vaksinës së kombinuar kundër difterisë, tetanozit, kollës së mirë, polios dhe Hemophilus influenza b në pjesën e sipërme të njërës këmbë dhe një dozë tjetër të vaksinës kundër sëmundjes së shkaktuar nga bakteri Streptococcus pneumonia në pjesën tjetër të sipërme të këmbës.
• Ndoshta do të këshilloheni që në rast se ka skuqje në vendin e injektimit, lageni me ujë për të lehtësuar reaksionin lokal.

Mendimi përfundmitar

• Në fund të vizitës, pediatri do të ndajë mendimin e tij/saj mbi gjendjen shëndetësore dhe zhvillimin e fëmijës suaj dhe do të japë rekomandimet përfundimtare. 
• Mund të merrni disa materiale me shkrim të përshtatshme për moshën e fëmijës dhe njoftimin për vizitën tjetër. 

Pas vizitës 

• Shkruani informacione dhe rekomandime të reja që keni marrë gjatë vizitës. 

Kontrollet shëndetësore rutinore janë të rëndësishme për fëmijën tuaj sepse ata marrin mbështetjen e nevojshme për rritje dhe zhvillim, por edhe për ju sepse fitoni aftësi dhe besim më të madh në përmbushjen e rolit prindëror.