Marrëdhëniet me fëmijët parashkollorë: ide dhe këshilla

Pikat kryesore: Marrëdhëniet e ngrohta dhe të përgjegjshme me prindërit janë çelësi për zhvillimin dhe mirëqenien e parashkollorëve. Marrëdhëniet me fëmijët parashkollorë ndryshojnë pasi ndjenjat bëhen më komplekse dhe aftësitë e të menduarit zhvillohen. Forconi marrëdhëniet duke dëgjuar dhe duke folur me fëmijët parashkollorë, duke zhvilluar së bashku aktivitete të përditshme dhe duke i kushtuar vëmendje pozitive.

Rreth marrëdhënies me fëmijët parashkollor

Marrëdhëniet e ngrohta janë shumë të rëndësishme për mirëqenien e fëmijës tuaj.

Kur krijoni këtë marrëdhënie me fëmijën tuaj parashkollor, ai ndjehet i mbrojtur dhe i sigurt. Ndjenja e sigurisë i jep komoditet fëmijës tuaj parashkollor gjatë kohëve të vështira si përshembull pandemia globale. Ai gjithashtu ndërton besimin për të eksploruar botën dhe për të mësuar. Ndërkohë që fëmija juaj eksploron botën, ai mëson se si të mendojë, të kuptojë, të komunikojë, të sillet, të tregojë emocione dhe të zhvillojë aftësitë sociale.

Marrëdhënia juaj me fëmijën tuaj parashkollor: çfarë duhet të prisni

Në këtë moshë, zhvillimin gjuhësor të parashkollorit tuaj, aftësitë për zgjidhjen e problemeve dhe aftësitë sociale. Dhe si rezultat, marrëdhënia juaj mund të ndryshojë.

Ndërsa aftësitë e fëmijës tuaj për të përdorur dhe kuptuar gjuhën zhvillohen, bisedat tuaja do të fillojnë të jenë më të gjata. Këto biseda ju krijojnë me të vërtetë mundësinë të dëgjoni mendimet dhe ndjenjat e tij. Kjo është diçka e mirë për marrëdhënien tuaj me të.

Ju do të shikoni se parashkollori juaj ka shumë pyetje 'çfarë', 'pse', 'ku', 'kush' dhe 'si' për botën që e rrethon. Ai mund të kuptojë shpjegime edhe më të ndërlikuara.

Parashkollorët kuptojnë dhe përdorin më mirë fjalë që shprehin emocione si ' të lumtur', 'të trishtuar', 'të zemëruar' ose 'të befasuar'. Njëkohësisht ata do të fillojnë të kuptojnë se edhe njerëzit e tjerë i përjetojnë këto ndjenja. Zhvillimi i këtyre aftësive emocionale do të ndikojnë pozitivisht në marrëdhënien e tij me ju dhe të tjerët, tani dhe në të ardhmen.

Ndërtimi i një marrëdhënie të fortë me parashkollorin tuaj: këshilla

Tregojini se po e dëgjoni ndërsa ai po flet. Ndaloni punën që po bëni, krijoni kontaktin me sy, kushtojini vëmendje gjuhës së tij të trupit dhe përdorni fraza si 'Vërtet? ', 'Vazhdo', ose 'Dhe pastaj çfarë ndodhi? '
Kushtojini sa më shumë vëmendje fëmijës tuaj. Kjo nënkupton ti dedikoni kohën tuaj për të zhvilluar sëbashku aktivitetet e tij të preferuara - për shembull, pazëll ose Lego (lojë përmes së cilës fëmijët ndërtojnë idenë e tyre, si psh. shtëpi). Edhe nëse përfshiheni për pak i tregoni atij se jeni të interesuar në atë cfarë ai është duke bërë dhe se ju pëlqen të kaloni kohë me të.
Tregoni durim me pyetjet e parashkollorit tuaj dhe inkurajoni interesat e tij. Nëse ai ju bën një pyetje për të cilën ju nuk e dini përgjigjen, mund ta shikoni atë së bashku në internet, ose të kërkoni ndihmën e një miku apo anëtari të familjes.
Nëse ju pyet për tema të vështira, përgjigjuni me një gjuhë të thjeshtë dhe fjali të shkurtra në mënyrë që të jetë sa më e kuptueshme për të - për shembull, 'Po, është e vështirë të mos luani me miqtë tuaj për shkak të Covid 19. Arsyeja është se ne duam që të gjithë të jenë të shëndetshëm dhe të sigurt. Le të mendojmë se çfarë do ti tregojmë Davidit për lodrën tënde të re, ndërsa flisni në telefon.'
Luani së bashku lojra si 'Të gjejmë fjalën', lojra të thjeshta me letra ose me formuese. Lojëra të tilla e ndihmojnë fëmijën tuaj të mësojë si të luajë në grup dhe të bashkëpunojnë me të tjerët.
Lexoni së bashku. Leximi i rregullt me parashkollorin tuaj krijon një moment të veçantë për forcimin e marrëdhënies suaj.
Sa herë që të jetë e mundur, konsumoni ushqim së bashku. Të ngrënit së bashku forcojnë marrëdhëniet tuaja familjare dhe ndjenjën e përkatësisë tek fëmija juaj (ndjenja se është pjesë e një vendi, familje).
Inkurajoni parashkollorët tuaj t'ju ndihmojë në punët e shtëpisë - për shembull, duke shtruar tavolinën ose duke rregulluar rrobat. Kjo do t'i tregojë atij se ju po e ngarkoni atë me përgjegjësi. Edhe punët e shtëpisë e ndihmojnë atë të ndjehet 'i madh' dhe i dobishëm për veten.

Njëkohësisht është e rëndësishme të kujdeseni për veten tuaj. Qoftë duke shpenzuar disa minuta në ditë për të bërë gjërat që ju pëlqejnë si përshembull një shëtitje ose leximin e një reviste, do t'ju bëjnë të ndjeheni ndryshe nga koha që kaloni me fëmijën tuaj. Të kujdeseni për veten, ju bën mirë ju, marrëdhënies me fëmijën tuaj dhe zhvillimit të tij.