Pas pastrimit të tymit
|
Grimcat e krijuara nga djegia e duhanit qëndrojnë për një kohë të gjatë në gardërobë, në sipërfaqet e mobilieve, perdeve, qilimave, në automjete etj. Këto grimca përzihen lehtë dhe shpejt me ndotës të tjerë brenda dhe krijojnë një përzierje shumë të dëmshme. Ekspozimi ndaj produkteve të duhanit në këtë mënyrë është praktikisht i pashmangshëm - substancat e dëmshme futen thjesht duke prekur sipërfaqet e ndotura, si dhe duke e thithur ajrin në dhomat ku ndodhi depozitimi. Bishtat e cigareve janë një problem i veçantë - përveç të qenit një nga ndotësit më të mëdhenj të mjedisit, ato janë një kërcënim serioz i menjëhershëm për shëndetin e njeriut. Në fakt, një përqindje e konsiderueshme e nikotinës dhe substancave tjera të dëmshme qëndron në bishtat e cigareve dhe ato mund të çlirohen edhe disa ditë pas fikjes së cigares. Foshnjat dhe fëmijët e vegjël janë në rrezik të veçantë:
Përveç kësaj, numri i frymëmarrjeve në minutë është më i lartë te fëmijët sesa te të rriturit, kështu që sasia e substancave të dëmshme të absorbuara nga fëmija është më e lartë dhe ndikimi ndaj shëndetit është më drastik! Shkencëtarët ende po i studiojnë dëmet që lidhen me këtë lloj ekspozimi ndaj duhanit. Derisa prisni njohuri të reja, e vetmja zgjidhje e besueshme është të zgjedhni ambiente pa duhan për veten dhe të vegjët tuaj, si dhe të krijoni ambiente të tilla!
|
