Нигоҳубини сина пеш ва баъд аз синамакконӣ

Кӯдак бештар аз ҳама бӯи табиии модарро дӯст медорад; ин ба вай ёрӣ мерасонад, ки пистонро пайдо кунад, онро гирад ва фаъолтар макад. Ҳангоми ширдиҳӣ, истифода бурдани собунҳои кафккунанда ва маводҳои нигоҳубини бадан бо бӯи шадид тавсия дода намешавад, махсусан дар минтақаи сина.

Гигиенаи сина бояд ба монанди гигиенаи тамоми бадан риоя карда шавад – дар як рӯз як маротиба шумо бояд бо маводи мулоим бо бӯи нейтралӣ оббозӣ кунед. Пеш аз синамаконӣ набояд ғадудҳои шириро шуед, махсусан пистонҳоро.

Пеш аз шир додан ба кӯдак дастҳоятонро бо оби гарм хуб бишӯед, чанд қатра ширро аз синаатон фишурда, ба болои пистонҳо ва аролаҳо бимолед, то кӯдак бӯй ва маззаи ширро ҳис кунад.

Агар пеш аз синамаконӣ мушкилот ба вуҷуд ояд, синаҳо вазнин, варам ва пур аз шир бошанд, пеш аз синамаконӣ ва ҷушидани сина, тавсия дода мешавад, ки сина компресси гарм ва массаж карда шавад, то ин ки кӯдак синаро осонтар гирад. Агар сина ҳатто пас аз макондан калон бимонад, ширро ҷушидан лозим аст. Пас аз маконидан якчанд чакра ширро ҷушед ва ба нуг ва сиёҳии сина молед ва гузоред, ки хушк шавад.

Пас аз маконидан ё ҷушидан компрессҳои хунук (тақрибан 15 дақиқа) гузоред, компресс дард ва ҷараёни ширро сабук мекунад. Агар ҳангоми синамаконӣ пӯсти пистонҳо осеб дида бошад, аз ҷойи осебдида хун ояд, кӯшиш кунед, ки 1-2 рӯз бо ин сина кӯдакро намаконед. Онро дар ин муддат мунтазам бо ширдуши дастӣ ҳар 2-3 соат холӣ кунед. Ширро ба кӯдак бо қошуқча, бо пиёла ё сӯзандору (бе сӯзан) диҳед. Шумо инчунин метавонед ланолини гипоаллергении тағирёфтаро ба пистонҳои худ истифода баред. Баъзан сарпӯшҳои пистони силиконӣ кӯмак карда метавонанд. Синамаконӣ набояд дардовар бошад.