Тағиротро дар ҷои газидаи ҳашарот ва аксуламалҳои аллергиро чӣ гуна бояд муайян кард?
Тағирот дар ҷои газида (тағйироти маҳдуд) аксар вақт чунин зоҳир мешавад:
- нороҳатӣ
- сурхшавӣ
- дард
- варам
- хориш
- тафс
- пайдо шудани миқдори ками хун
Пас аз пайдо шудани тағйироти маҳдуд дар соатҳои минбаъда, зарур аст, ки ҳолати умумии кӯдаки худро бодиққат назорат кунед, то пайдоиши эҳтимолии аксуламали аллергиро сари вақт муайян кунед.
Тағирот ва аксуламалҳо ба газидани ҳашарот дар ҳолатҳои вазнин метавонанд ба тамоми вуҷуди кӯдак таъсир расонанд. Агар ин ҳолат рух диҳад, он метавонад аломати реаксияи шадиди аллергӣ бошад, ки ба ҳаёт таҳдид мекунад ва ёрии таъҷилии тиббиро талаб мекунад. Аломатҳои маъмултарини аксуламали шадиди аллергӣ инҳоянд:
- хориш ва доначаҳо дар тамоми бадан, аз ҷумла дар ҷойҳои аз газидан дур
- доначаҳои аллергӣ (нуқтачаҳои сурх дар пӯст)
- варами рӯй, лаб, пилкон ё забон
- хориши гулӯ
- фишор дар гулӯ ё қафаси сина
- сулфа
- нафастангӣ, душвории нафаскашӣ ва хиррос
- дилбеҳузурӣ, қайкунӣ, дарди шикам, дарунравӣ
- сарчархзанӣ ва аз ҳуш рафтан
- набзи суст
- паст шудани фишори хун
- пӯсти рангпарида
- арақкунӣ
- шиддат
Агар шумо яке аз ин нишонаҳо ва аломатҳоро дар кӯдаки худ мушоҳида кунед, фавран ба ёрии таъҷилии тиббӣ занг занед (103) ва агар шумо зудтар ба духтур рафта тавонед, интиқоли кӯдакро ба наздиктарин муассисаи тиббӣ (маркази саломатӣ, беморхона) ташкил кунед.
